+24 °С
Ясно
Нацпроекты - гомумдәүләт проектлары
9 Сентября , 05:05
Башкортстан туристлык проектларын федераль дәрәҗәгә чыгара
Russian Event Awards, «Ел маршруты» һәм «Туристик сувенир» конкурсларына гаризалар кабул ителә.
Башкортстан туристлык проектларын федераль дәрәҗәгә чыгара
25–26 сентябрьдә Бөре шәһәрендә Russian Event Awards, «Ел маршруты» һәм «Туристик сувенир» федераль конкурсларының төбәк сайлап алу этаплары узачак.
Бушлай катнашуга гаризалар 15 сентябрьгә кадәр кабул ителә. Катнашуга чараларны оештыручылар, туристлык маршрутлары авторлары, сувенирлар җитештерүчеләр һәм туристлык-мәгълүмат үзәкләре вәкилләре чакырыла.
– Безнең өчен район эшкуарларының федераль конкурсларда тигез катнашу мөмкинлеге булуы мөһим. Мондый чаралар катнашучыларга федераль экспертлар бәясен турыдан-туры алырга, ә төбәккә үзен Русиядә туризм өлкәсендәге башлангычларны үстерү үзәге буларак танытырга мөмкинлек бирә, – дип ассызыклады Башкортстан Республикасы эшкуарлык һәм туристлык министры Светлана Верещагина.
Конкурсантлар үз проектларын федераль экспертларга тәкъдим итә, тәҗрибә уртаклаша һәм үз брендларын таныта алачак.
Катнашуның җентекле кагыйдәләре һәм гариза формасы премияләрнең рәсми сайтларында урнаштырылган:
– Russian Event Awards;
– «Ел маршруты»;
– «Туристик сувенир».
Чаралар «Нәтиҗәле һәм конкурентлы икътисад» гомумдәүләт проекты кысаларында Башкортстан Республикасы Эшкуарлык агентлыгының «Минем бизнес» үзәге тарафыннан Башкортстан Республикасы Эшкуарлык һәм туризм министрлыгы ярдәмендә оештырылды.
Фото: pravitelstvorb.ru
