Башкортстанда 9 айда IТ-ипотека буенча 259 кредит бирелгән

Башкортстанда 2026 елның 9 аенда IТ-ипотека буенча 259 кредит бирелгән, 2025 елның шул чорындагыдан күбрәк - 197 кредит. 2022 елдан бирле төбәкнең IТ-белгечләре күчемсез милек алу өчен якынча 2000 ташламалы заём алган. Бу юнәлеш «Мәгълүматлар икътисады һәм дәүләтнең санлы трансформациясе» гомумдәүләт программасының мөһим өлеше булып тора.

Санлы үсеш министры Геннадий Разумикин хәбәр итүенчә, 2026 ел башыннан кредитлар күләме - 1,8 миллиард сум, ә программа башланганнан бирле – 13,8 миллиард сум. Ипотека 6 процент ставка белән бирелә һәм 2030 ел ахырына кадәр гамәлдә була.

Ташламалы IТ-ипотека алу өчен компания хезмәткәре түбәндәге таләпләргә туры килергә тиеш:
- РФ гражданы булу;
- ипотека килешүенең бөтен срогы дәвамында төп эш урыны – үткән исәп чоры нәтиҗәләре буенча салым ташламалары алучы аккредитацияләнгән IТ-компания булу;
- яше – 50 яшькә кадәр;
- соңгы 3 айдагы НДФЛ тотылганчы уртача эш хакы:
- 150 мең сумнан – эш урыны Уфа шәһәрендә булган кредит алучылар өчен;
- 90 мең сумнан – башка торак пунктларда эшләүче кредит алучылар өчен.
IТ-ипотеканы башка кредит белән берләштерергә була, гомум сумма 18 миллион сумга җитәргә мөмкин. Шартларны «Госуслуги» порталында тикшерергә була.

Автор фотосы.