-22 °С
Болытлы
Гәзиткә язылуVKOKTikTokINSTAGRAM
Барлык яңалыклар
Новости
6 август 2021, 10:15

"Эшкуарлык сәгате" ярдәмгә килә

«Кече һәм урта эшкуарлык һәм шәхси эшкуарлык башлангычына ярдәм» гомумдәүләт проектын тормышка ашыру кысаларында Яңавыл районында район җитәкчелеге кече һәм урта бизнес субъектлары белән «Эшкуарлык сәгате» форматында очрашулар үткәрә.

"Эшкуарлык сәгате" ярдәмгә килә
5 августта шундый очрашу "Яңавыл элеваторы" предприятиесе җитәкчелеге белән узды. Фикер алышуга авыл хуҗалыгы предприятиесе территориясен төзекләндерү мәсьәләсе чыгарылды. Бүгенге көндә бу күренеш бик начар: административ бина ямьсез булып утыра, буялмаган коймалар, ярымҗимерек складлар, бинаның түбәсендә һәм тегермәнендә куаклар үскән. Эчке һәм әйләнә-тирә территориядә тәртип урнаштыру мәсьәләсе аеруча актуаль.

«Һәр хуҗалык итүче субъект үз объектларын һәм якын-тирә территорияне тәртиптә тотарга тиеш. Моны гамәлдәге законнар таләп итә. Мәсьәлә контрольгә алынды, ә предприятие җитәкчелегенә якын арада хәлне төзәтергә тәкъдим ителде», - дип ассызыклады Яңавыл районы хакимияте башлыгы Илшат Вәзигатов.

Очрашу нәтиҗәләре буенча предприятие территориясен һәм якын-тирә зонаны төзекләндерү планын эшләү турында карар кабул ителде.

Эшкуарлык сәгате - хакимият һәм эшкуарлык бергәлегенең яңа форматы. Чара кысаларында хуҗалык итүче субъектларның эшчәнлек үзенчәлекләрен өйрәнелә, бизнес алып баруның проблемалы мәсьәләләре карала һәм аларны хәл итү юллары билгеләнә.

Фото: Ольга Исмәгыйлева


Автор:Резеда Галикәева