Төбәк җитәкчесе Мәсәгутьнең мәктәпләрендә булды

Мәсәгуть лицеенда Радий Хәбиров сыйныфларны һәм ашханәне карады, педагоглар белән аралашты. Уку йорты директоры Алексей Неустроев хәбәр иткәнчә, 1972 елда төзелгән бина 472 укучыга исәпләнгән, ә быел анда 1 070 бала йөри.

- Укуларны ике сменада алып барабыз: беренче сменада 617 укучы, икенчесендә 453 укучы, - дип сөйләде Алексей Неустроев. - Көн дәвамында мәктәп автобуслары 400 укучыны китерү өчен 19 рейс ясый.

Радий Хәбиров билгеләп үткәнчә, лицейның тулылыгы мәсьәләсен хәл итү өчен 2025 елда бу авылында яңа мәктәп төзи башларга планлаштыралар. Республика Башлыгы лицейның беренче сыйныф укучылары оештырган Яңа ел иртәсенә катнашты, балаларны һәм аларның әти-әниләрен Яңа ел белән котлады.

Алга таба эш сәфәре Мәсәгуть авылының балалар-яшүсмерләр спорт мәктәбендә дәвам итте. Мәктәп директоры Михаил Тучкевич аңлатканча, мәктәпкә 947 бала йөри, алар спортның 16 төре буенча шөгыльләнә. Укытучылар составы - 30 тренер. Бу елда биредә яңа дисциплиналар ачылды: самбо, панкратион, полиатлон. Тәрбияләнүчеләр даими рәвештә республика һәм бөтенрусия ярышларында призлы урыннар яулыйлар.

Радий Хәбиров яшь спортчыларга спорт өлкәсендә уңышлар теләде һәм 10 февральдә «Уфа-Арена»да узачак «Салават Юлаев» һәм «Ак Барс» матчына мәктәпнең иң яхшы 10 хоккейчысын чакырды.

Фото: glavarb.ru