+6 °С
Яңгыр

Барлык яңалыклар

Новости

29 февраль , 19:09

Владимир Путин Юллама белән мөрәҗәгать итте

Русия Президенты Владимир Путин Федераль җыелышка еллык Юллама белән мөрәҗәгать итте. Чарада яңгыраган цитаталарны тезислап бирәбез.

Фото:© ria.ru

бүген сүз якын планнар турында гына түгел, ә стратегик бурычлар турында да барачак;
Русия җәмгыятендә мәрхәмәтлек, үзара ярдәм, теләктәшлек кебек кыйммәтләр өстенлек итә;
беркемгә дә безнең эчке эшләребезгә тыкшынырга рөхсәт итмәячәкбез;
суверенитетны саклау һәм ныгыту бүген барлык юнәлешләр буенча бара;
Көнбатыш ялганлауын дәвам итә, хәзер, Русия Европага һөҗүм итәргә җыена, дип белдерә, кыскасы - акылдан шаша;
суверен көчле Русиясез бернинди дә ныклы дөнья тәртибе мөмкин түгел;
120 миллиард сум урта һөнәри белем бирү учреждениеләрен ремонтлауга һәм җиһазландыруга юнәлдереләчәк;

югары уку йортларының 800 тулай торагына капремонт ясау планлаштырыла;
хезмәт җитештерүчәнлеген арттыру өчен санлы технологияләрне идарә итүгә кертергә кирәк;
2,8 миллион сумга кадәр күләмдә дәүләтнеке булмаган пенсия фондларында ирекле тупланмалар дәүләт тарафыннан иминиятләштереләчәк, ягъни аларны кире кайтару гарантияләнәчәк;
Хөкүмәтне, парламентарийлар белән берлектә, бизнесның салымын оптимальләштерү схемаларын кулланырга мәҗбүр булган компанияләргә карата амнистия параметрларын эшләүне сорыйм;
Барлык хакимият органнарыннан киләчәктә дә геройларыбызның гаиләләренә ярдәм итү өчен барысын да эшләвен сорыйм;
Безнең солдатлар һәм офицерлар - христианнар һәм мөселманнар, буддистлар һәм иудаизм тарафдарлары, төрле этнослар, мәдәниятләр, төбәкләр вәкилләре Русия халкының бердәмлеген үз батырлыклары белән исбатладылар;
Без бу сугышны Донбасста башламадык, әмма без аны тәмамлау, нацизмны бетерү, барлык бурычларны хәл итү өчен барысын да эшләячәкбез;

Русиядә яңа кораллар өстендә эш дәвам итә, тиздән алар турында барысы да ишетәчәк;
әлегә - Русиянең стратегик атом көчләре тулы әзерлек хәлендә;
бездә дә аларның [дошманнарның] территорияләрендәге объектларга зыян китерә алырлык корал бар;
мәхәббәт, үзара ярдәм һәм ышаныч кыйммәтләре буыннан-буынга тапшырыла;
күпбалалы гаилә - ул норма, җәмгыять тормышы фәлсәфәсе бөтен дәүләт стратегиясенең ориентирларына әверелергә тиеш;
гаиләнең төп бурычы - балалар тудыру һәм тәрбияләү, кешелек нәселенең дәвамы, балаларны тәрбияләү, күпмилләтле халкыбызның яшәеше дәвам итүе;

Ана капиталы программасын ким дигәндә 2030 елга кадәр озайтырга тәкъдим итәм һ. б.
2018 елдан 2022 елга кадәр Русиядә күпбалалы гаиләләр саны 26,8 процентка арткан;
Русиядә уртача гомер озынлыгы 73 елдан артып китте. Без коронавирус пандемиясенә кадәр булган дәрәҗәгә кайттык. 2030 елга Русиядә гомер озынлыгы 78 елдан да ким булмаска тиеш, ә алга таба 80+ дәрәҗәгә чыгарбыз, дип ышанам;
Без исерткеч эчемлекләр куллануны, бигрәк тә каты алкоголь эчүне шактый киметтек. Бу, һичшиксез, милләт сәламәтлегенә уңай йогынты ясый;
"Эчүне ташла, чаңгыга бас": киләсе елдан диспансерлаштыру узучылар һәм ГТО нормативларын тапшыручылар өчен салым ташламасы кертеләчәк;
Киләсе елдан балалар бакчаларын капиталь ремонтлау программасы старт алачак. Бу максатларга 400 миллиард сумнан артык акча бүлеп бирәчәкбез;
Балалар өчен укыту йөкләнеше баланслы булырга тиеш;
БДИ механизмы камилләштерелергә тиеш. Чыгарылыш укучыларына икенче мөмкинлек бирергә тәкъдим итәм: укучы теләге буенча аңа кабул итү кампаниясе ахырына кадәр бер фән буенча БДИны яңадан тапшыру мөмкинлеге бирергә кирәк;

2030 елга МРОТ 35 мең сумга кадәр артырга тиеш
«Мәгълүматлар икътисады» дигән яңа гомумдәүләт проектын башлап җибәрү;
югары тизлекле Интернетны Русия Федерациясенең бөтен территориясендә диярлек тәэмин итү;
төбәкләрнең бюджет кредитлары буенча бурычларының өчтән ике өлешен гамәлдән чыгару;
төбәкләргә гомумдәүләт проектлары максатларына ирешү кысаларында акча белән идарә итүнең киң мөмкинлекләрен бирү;
кайбер компанияләр салымнан качу яисә салым түләүләрен киметү өчен кулланган төрле закон бозуларга амнистия игълан итү;
кече шәһәрләрдә һәм тарихи җирлекләрдә уңайлы шәһәр мохите булдыру буенча иң яхшы проектларның Бөтенрусия конкурсын 2030 елга кадәр озайту;
илдә 6 ел эчендә янә 30 меңнән артык җәмәгать киңлеген төзекләндерү;
"Пушкин картасы" программасын киңәйтү;

"Авыл мәдәният хезмәткәре" программасын эшләтеп җибәрү. Авылга эшкә күчкән белгечкә 1 миллион сумлык түләү бирү. Ә Ерак Көнчыгышта, Донбасста һәм Новорусиядә бу сумма 2 миллион сум булачак;
2 процентлы ташламалы ставкалы ипотеканы махсус операциядә катнашучыларга да бирү
коммерцияле булмаган бакча ширкәтләрен (СНТ) газлаштыру турында: социаль газлаштыру программасын киңәйтергә һәм йорт кишәрлекләре чикләренә кадәр линияләрне үткәрергә;
махсус операциядә катнашучылар артка чигенмәс, сынатмас һәм илебезне сатмас, дип ышанам;
«элита» сүзе дискредитацияләнде. Чын элита - ул Русиягә хезмәт итүчеләр, эш белән Русиягә тугрылыкларын исбатлаган хезмәт ияләре һәм сугышчылар;
СВОда катнашучылар өстенлекле тәртиптә алдынгы вузларда югары белем ала алачак;
ел ахырына кадәр бүген әйтелгән барлык гомумдәүләт проектлары расланырга, бер-берсе белән килештерелергә тиеш. Бу аерым ведомстволарның проектлары түгел, алар уртак системалы бурычлар, безнең дәүләт үсеше максатларына ирешү өчен эшләргә тиеш;
тәкъдим ителгән программаларның төп нәтиҗәсе тонналар, километрлар һәм сарыф ителгән акча күләме белән генә үлчәнми, иң мөһиме - кешеләрнең тормышларын яхшы якка үзгәртү;
без - бер зур гаилә. Без бергә, шуңа күрә барысын да планлаштырганча эшләячәкбез. Безнең җиңүләргә, уңышларга, Русиянең киләчәгенә ышанам!

Автор:Денис Таваев

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27