Китаплар белән бергә - гәзит-журналлар да!

Анда, китаплардан тыш, «Республика Башкортостан» нәшрият йорты чыгара торган гәзит-журналларны да алырга мөмкин икәнлеген бөтен кеше дә белми. Биредә республика басма продукциясенең бөтен ассортименты тәкъдим ителгән.

З. Биишева исемендәге «Китап» нәшрияты, 105 ел элек кебек үк, мәктәпләрне һәм балалар бакчаларын дәреслекләр, эш дәфтәрләре, методик әсбаплар, шулай ук нәфис әдәбият белән тәэмин итеп, Башкортстанның мәдәни бренды буларак, төбәк мәдәниятенә һәм әдәбиятына хезмәт итә. Узган елда шәһәрнең тарихи үзәгенә күченгән фирма кибетендә Башкортстан язучыларының китаплары китап киштәләрендә лаеклы урын алды. Хәзер исә аерым стеллажга республика журналлары һәм гәзитләре куелды.

- Аларның ассортименты вакытында тулылана, биредә һәркем үзенә кирәген табачак. Китаплар һәм вакытлы матбугат уку – локаль вакыйгалар һәм яңалыклардан хәбәрдар булырга теләгән заманча грамоталы кешенең аерылгысыз яшәү рәвешен тәшкил итә, - ди «Китап» нәшрияты директоры Эльмира Хәйретдинова.

Кибет ассортименты, шулай ук, төбәк Башлыгы Хакимите бинасы каршындагы китап киосклары аша да таратыла.

Фото: "Молодежная газета"