+21 °С
Болытлы
Яңалыклар
15 апрель 2025, 01:45
Бәйрәмнәрдә аеруча чиста булсын!
Хөкүмәттәге чираттагы киңәшмәдә республикада каты коммуналь калдыклар белән эш итү реформасын гамәлгә ашыруның барышы турында фикер алыштылар.
Бәйрәмнәрдә аеруча чиста булсын!
Республика Хөкүмәте Премьер-министры Андрей Назаров ассызыклаганча, Русия Федерациясе Хөкүмәте Рәисе урынбасары Дмитрий Патрушев кушуы нигезендә төбәкләр башкарма хакимият һәм урындагы үзидарә органнарының бәйрәм көннәрендә каты коммуналь калдыкларны җыюны һәм чыгаруны оештыру буенча гамәлләр регламентын расларга тиеш.
- Документ эшләнде, республика Башлыгы тарафыннан расланды һәм әлеге процесста катнашучыларның барысына да җибәрелде. Ул муниципаль районнар һәм шәһәр округлары хакимиятләренең, республика идарә үзәгенең, профильле министрлыкларның һәм төбәк операторларының үзара хезмәттәшлеген тәртипкә китерә. Аны тайпылышсыз үтәүне тәэмин итәргә кирәк, бигрәк тә алдагы май бәйрәмнәре чорында, - дип билгеләде Андрей Назаров.
Башкортстан Республикасы табигатьтән файдалану һәм экология министры Нияз Фазылов каты коммуналь калдыкларны чыгару буенча агымдагы вәзгыять турында сөйләде. Ул 1 гыйнвардан 10 апрельгә кадәр аларны чыгару өчен уртача 339 берәмлек техника җәлеп ителүе, 237 мең тонна калдык чыгарылуы турында сөйләде. Февральдә республика буенча гражданнарның коммуналь хезмәтләр өчен түләүләрен җыюның уртача дәрәҗәсе 93% тәшкил иткән.
Нияз Фазылов игътибарны республикада бердәм шимбә өмәләре − 12, 19 һәм 26 апрель билгеләнгән көннәргә юнәлтте.
Фото: "Башинформ"
