+20 °С
Болытлы
Яңалыклар
30 Май 2025, 06:10
Әдипләр яңартылган Язучылар йортына кайта
Уфада узучы «Китап-Байрам» III Халыкара китап ярминкәсенең беренче көнендә Коммунистик урам, 34 йорт адресы буенча урнашкан Башкортстан Язучылар берлеге йортының рәсми ачылышы була. Бина капиталь ремонтланды, шул ук вакытта аның тарихи йөзе дә сакланган.
Әдипләр яңартылган Язучылар йортына кайта
"Без бүгенге көнне зур түземсезлек белән көттек. Безнең өчен бу бина – туган йорт. Язучылар берлеге анда 1982 елда урнашкан. Бина Уфаның тарихи-мәдәни һәйкәлләр исемлегенә кертелгән. Шуңа күрә ул игътибарга, кайгыртуга лаек. Ә төбәк Башлыгы Радий Хәбиров ярдәме белән йорт яңа сулыш алды, - дип уртаклашты Башкортстанның халык шагыйре Кадим Аралбай.
Аның сүзләренчә, биредә яшьләр иҗади яктан үсә алачак, ә тәҗрибәле сүз осталары илһамландыручы һәм заман таләпләренә җавап бирүче яңа әсәрләр иҗат итәчәк.
"Тагын бер зур яңалык: Башкортстан Хөкүмәте карары нигезендә бу бина безнең берлеккә даими файдалануга тапшырылды", - дип билгеләде Кадим Габделгалим улы.
"Монда без җыела, иҗат итә, көнүзәк проблемалар турында фикер алыша алачакбыз. Ачылу тантанасы кысаларында үз сафларыбызга Язучылар берлегенең яңа әгъзаларын кабул итәчәкбез", - дип хәбәр итте берлек рәисе Айгиз Баймөхәммәтов.
Фото: башинформ.рф
