"Алтын кадаклар" Башкортстанда икәү!

"Геология объектларына "алтын кадак" статусы бирү турындагы карарны халыкара фәнни җәмәгатьчелек кабул итә. Билгеле бер вакыт кисемтәсен матди тутыру буенча тулырак характерлый торган кисем сайлап алына, ягъни токым катламнары максималь рәвештә күрсәтелергә тиеш. Моннан тыш, биредә ул вакытта яшәгән һәм бөтен чор дәвамында үзгәрә торган төрле микроорганизмнар булырга тиеш», – дип сөйләде Русия Фәннәр академиясенең УФИЦ Геология институты директоры Сергей Ковалев.

«Усолка» кисеменең яше – 294 миллион ел. "Дальний Тюлькас"ка - 290 миллион ел. Бу - Русиядә беренче "алтын кадаклар". Галим сүзләренчә, фәнни дөньяда мондый объектлар өчен җитди конкуренция бара. Мисал өчен, КХРда – 11 «алтын кадак», АКШта – 9, Үзбәкстанда һәм Казахстанда - 1шәр «кадак» һ.б. Бу фонда Башкортстанның яхшы потенциалы бар, республикада югары статуска дәгъва кылучы башка объектлар да бар.

"Алтын кадаклар"ны ачу тантанасына Башкортстанга Русия шәһәрләреннән (Мәскәү, Екатеринбург, Казан, Ырымбур) галимнәр һәм экспертлар, Русия Фәннәр академиясе һәм "Роснедра" вәкилләре, Кытай, Казахстан, Мисыр, Малайзия, Иран, Кыргызстаннан чит ил кунаклары киләчәк.

Республикада мондый объектларның барлыкка килүе фән үсешенә яңа адым ясарга гына түгел, ә Башкортстанның дөньяда танылуын арттырырга, республиканың геопаркларын алга этәрергә, төбәкнең туристлык җәлеп итүчәнлеген арттырырга һәм, нәтиҗәдә, аның киләчәктә тотрыклы социаль-икътисадый үсешенә ярдәм итәчәк.

Фото: автор фотосы