Мәскәүгә очабызмы?

- Мәскәү республика халкы өчен генә түгел, кунаклар арасында да иң кирәкле юнәлеш булып тора. Башкалага эчке һава линияләренең гомуми пассажир агымының 40 проценты туры килә. Бүген Мәскәүгә Уфадан якынча 16 рейс башкарыла, шул исәптән «Шереметьево» аэропортына — «Аэрофлот» компаниясенең алты рейсы һәм «Россия» компаниясенең өч рейсы, — диде Денис Никитин.

Ул хәбәр иткәнчә, «Аэрофлот» авиакомпаниясе һәм «Уфа» халыкара гаэропорты җитәкчелеге катнашындагы киңәшмәдә мөһим карар кабул ителгән. Аерым алганда, «Россия» авиакомпаниясенең «Внуково» аэропортына өстәмә рейслары турында килешүгә ирешелгән. 22 июльдән аларның ешлыгы атнага алты тапкыр тәшкил итәчәк.

— Хәзерге вакытта «Аэрофлот» авиакомпаниясенең Уфадан Мәскәүгә рейсларының гомуми саны көненә 11 рейска җитәчәк, — дигән мәгълүмат бирде компания хезмәткәре.

Ул 2025 елның беренче яртыеллыгында, узган елның шул ук чоры белән чагыштырганда, көнгә ике рейска күбрәк, атнага 14 авиарейска күбрәк булуын билгеләп үтте. «Аэрофлот» авиакомпаниясенең Уфадан рейсларының гомуми саны атнага 120 дән артык тәшкил итә.

«Шереметьево» аэропортына көн саен 11 рейс башкарыла, шул исәптән «Аэрофлот» — җиде, «Россия» — өч, «Победа» — бер. «Внуково» аэропортына рейслар артуны исәпкә алып, көненә өч авиаочыш башкарылачак, шул исәптән «Ютэр», «Победа» һәм «Россия» авиакомпанияләре тарафыннан бер рейс буенча. «Домодедово» аэропортына «Эй Севен» һәм «Норд Стар»компанияләре очышларын да кертеп, көненә өч-дүрт рейс башкарылачак.

- Мәскәү юнәлешендә рейсларның уртача йөкләнеше 95 проценттан артык тәшкил итә, - диде Денис Никитин. Ул башкала юнәлешендә пассажирлар агымы үсеше якынча 80 процент тәшкил итәр дип белдерә.

- Безнең аэропорттан 11 илгә 19 юнәлеш буенча рейслар башкарыла. Узган ел һәм 2025 елның беренче яртысы нәтиҗәләре буенча Таможня союзы дәүләтләренә һәм БДБ илләренә күчерелгән пассажирлар саны өчтән бергә арткан. Быел Грузиягә - Батумига өстәмә рейслар ачылды. «Аэрофлот» компаниясе Кытайга, Санья шәһәренең диңгез курортына күптән көтелгән рейс ачты. Пассажирлар 300 урындыклы Airbus-330 һава судносында йөртелә. Безнең күптәнге партнер, «Ютэр» авиакомпаниясе Истанбулга даими рейслар ачты — атнага өч тапкыр, — дип сөйләде яңа юнәлешләр һәм рейслар барлыкка килү турында Денис Никитин.

Эчке юнәлешләрдә «Азимут» компаниясе Тау Алтаена рейс ачты. «Северный ветер» авиакомпаниясе Уфа — Махачкала, Уфа — Калининград юнәлешләре буенча маршрут челтәрен атнасына биш рейска кадәр үстерде. «Эй Севен» компаниясе Новосибирск һәм Иркутскка өстәмә даими рейслар ачты.

Аэропорт хезмәткәре берничә популяр юнәлешне аерып күрсәткән, шул исәптән Уфа — Мәскәү, Уфа — Санкт-Петербург.

Яллар чорында Антальяга, Сочига, Минераль Суларга, шулай ук Мисыр курортларына — Шарм-эш-Шейх һәм Хургадага авиаочышлар югары ихтыяҗ белән файдалана.