"Армия мәдәнияте көннәре" форумы ничек үтә?

Форумны ачу тантанасы ел саен 22 августта билгеләп үтелә торган Русия Федерациясе Дәүләт флагы көненә багышланган парадтан башланды. Совет мәйданы буйлап махсус хәрби операциядә катнашучылар, кадетлар һәм яшь армияче сыйныфлары укучылары марш белән үтте.

Алга таба спортчылар һәм республика җәмәгать эшлеклеләреннән торган парад расчеты Совет мәйданына озынлыгы 10 метр чамасы булган Русия Дәүләт флагын чыгарды.

Тамашачыларны һәм чарада катнашучыларны Хөкүмәт Премьер-министрының беренче урынбасары Урал Килсенбаев сәламләде.

- Бу зур бәйрәм Русия флагы көненнән башланып, Русия Герое, генерал Миңнегали Шәйморатовның туган көне белән тәмамланачак. Бу көннәрдә Уфаның Совет мәйданы рухи көч урынына әвереләчәк, анда безнең халык һәм республика башкаласы кунаклары патриотик рух белән байый. Бу чараның Бөек Җиңүнең 80 еллыгы, Русиядә Ватанны саклаучылар елында һәм Башкортстанда махсус хәрби операциядә катнашучыларга һәм аларның гаиләләренә ярдәм елында узуы символик мәгънәгә ия. Бүген биредә СВОда катнашучылар да бар. Хөрмәтле сугышчылар, ветераннар, сезгә һәм сезнең иптәшләрегезгә – зур рәхмәт, гаиләләрегезгә – сабырлыгыгыз, үзегезне кызганмыйча Ватанны саклауга барысын да биргәнегез өчен рәхмәт, - диде ул.

Форумны ачу тантанасы бер минут тынлык белән тәмамланды, бу тынлык белән махсус хәрби операциядә һәлак булганнарны искә алдылар.

Башкортстанда Русия Оборона министрлыгы хәрби округларының иҗади бригадалары гастрольләре башланды Стәрлетамакта кунакларны милли колорит белән каршы алдылар – икмәк, бавырсак һәм кымыз белән сыйладылар. Бүген бирегә Стратегик билгеләнештәге ракета гаскәрләренең «Кызыл Йолдыз» җыр һәм бию ансамбльләре, Александров исемендәге легендар җыр һәм бию ансамбле һәм Ленинград хәрби округының фронт иҗат бригадасы килде. "Армия мәдәнияте көннәре" дәвамында алар шулай ук Уфада, Сибайда, Белоретта һәм Октябрьскийда чыгыш ясаячак.

Ә Уфа укучысы СВО сугышчылары өчен шигырьләр белән видео яздыра. "Русия. Донбасс. СВО" күргәзмәсендә мәктәп укучысы Полина Дудко чыгыш ясады. Кыз Мария Ватутинаның "Они стреляли по донецким" шигырен укыды. Полинага нибары 11 яшь, ә аның инде «За помощь СВО», «За труд на благо России», «За вклад в Победу над украинском нацизмом» медальләре бар. Бүләкләрне аңа Мәскәүдә Дәүләт думасында тапшырганнар.

Башкортстанның спорт министры Руслан Хәбибов билгеләп үткәнчә, мондый вакыйгалар халык белән бердәмлекне һәм дәүләт дәрәҗәсендә ярдәмне тоярга ярдәм итә.

Форумның беренче көнендә Уфада махсус хәрби операция ветераннарын, һәлак булган геройларның гаиләләрен һәм «Ватанны саклаучылар» фонды вәкилләрен берләштергән «СВО гаилә кунак бүлмәсе» дип аталган "түгәрәк өстәл" узды. Руслан Хәбибов үз чыгышында республиканың СВОда катнашучыларга һәм аларның гаиләләренә ярдәм итүен ассызыклады.

Ә Калтасы районында "Армия мәдәнияте көннәре"н Русия Герое ачты. Бәйрәм Калтасының Җиңү паркында узды. Кунакларны Русия Федерациясе Герое Александр Панфилов сәламләде. Ул "Армия мәдәнияте көннәре" кебек масштаблы чараларның җәмгыятьне берләштерү һәм балаларга патриотик тәрбия бирү өчен әһәмиятен ассызыклады. Тантанада катнашучылар белән бергә Александр Панфилов Мәңгелек утка чәчәкләр салды.

Фото: "Армия мәдәнияте көннәре" форумы матбугат хезмәте