Һәйкәл астыннан табылган язу нинди серләр ача?

58 ел элек Салават Юлаев һәйкәле астында хат калдырган егетләрнең кем булганлыгы ачыкланды.

Һәйкәл астында табылган "вакыт капсуласы" авторларының берсе - Баймактан Ирмәк Исмәгыйлев. Ул рәссам булган һәм кайчандыр Салават Юлаевка багышланган зур картина язган. Рәссам 2008 елда вафат булган.

Аның хәзер Уфада яшәүче кызы Сәлимә болай дигән: "Балачакта әти безгә егетләр белән һәйкәл куйганда хат калдырганнарын әйтте. Һәм менә аны тапканнар - могҗиза! Аның хәтта Салават турындагы бик зур картинасы да бар иде!»

Ирмәкнең улы Буранбайда бу картинаның эскизы бар. Хәзер туганнары аның оригиналын эзли. Алар сүзләренчә, ул эскиздан күпкә колоритлырак һәм глобальрәк. Элек ул аның туган йортында эленеп торган, аннары аны Таулыкай авылына алып киткәннәр, аннан Ирмәк Кинҗәбулат улының иҗат җимеше кире кайтмаган.

Хаттагы икенче егет - Азамат Вәлиев, ул Баймак районының Семеновское авылында яшәгән. Аның әтисе фронтовик булган. Беренчел мәгълүматлар буенча, ир Баймакта юрист булып эшләгән. Хәзер аның гаиләсе Уфада яши.

Өченче егет Әхәт Янбәков әле Ырынбурда яши, диләр, аңа 85 яшь тирәсе булырга тиеш.

Фото: "Новости Башкирии"