Буран һәм начар һава торышы Яңа елның беренче сәгатьләрендә дәвам итте. Бүген Башкортстан территориясендә бераз кар явачак, дип фаразлана. Республиканың көньяк районнарында явым-төшем күбрәк булачак.
"Юлларда кар сырынтылары, бозлавык. Җил көньяктан уртача тизлектә исәчәк. Төнлә һава температурасы -7, -12, аязытканда -17, көндез -3, -8 градус булачак", — дип ачыклык кертте синоптиклар.
Белгечләр билгеләп үткәнчә, 2 гыйнварда төнлә -12, -17, аязытканда -18, -23, көндез -7, -12 градуска кадәр суытачак.
Фото: Башинформ