Бөренең икътисади һәм тарихи мирасы форум кунакларын сокландырды

Бүген «Кече Ватан - Русия көче» III Бөтенрусия муниципаль форумының «Муниципаль үсеш: үсешнең яңа драйверлары» төбәк көнендә катнашучылар Бөре шәһәрендә булды. Кунаклар аны «Креатив муниципалитет» маршруты кысаларында карады. Визит программасы шәһәрнең икътисади һәм мәдәни потенциалын күрсәтүне берләштерде.

Делегатлар «Спектр» предприятиесендә булды. Биредә 35 ел спорт һәм иҗат өчен уенчыклар һәм товарлар җитештерүдә махсуслашкан. Бөре районы Башлыгы Павел Трапезников заводның урындагы икътисад өчен әһәмиятен билгеләп үтте, ә предприятие җитәкчесе Снежана Әхмәтшина кунакларга продукция җитештерүнең тулы циклы турында сөйләде — проектлаудан һәм пресс-формалар ясаудан алып җыюга һәм төргәкләүгә кадәр.

Сәфәрдә катнашучыларны Мәскәү, Екатеринбург, Пермь, Ярославль, шулай ук Беларусь һәм Казахстанны колачлаган җитештерү масштаблары һәм поставкалар географиясе таң калдырды.
- Барысы да предприятиенең тотрыклы эшләве турында сөйли. Кирәкле һәм сыйфатлы продукция җитештерәләр. Үзебезнең чималны кулланулары бик шәп, - дип уртаклашты Арзамас шәһәре хакимияте нең җир-милек мөнәсәбәтләре комитеты рәисе Татьяна Вершинина.

"Кызыл таң"ның да Telegram мессенджерында рәсми каналы бар. Кушылыгыз!
Каналга кушылыр өчен сылтама буенча үтегез: t.me/kiziltanufa

Фото: «Кече Ватан - Русия көче» III Бөтенрусия муниципаль форумы матбугат хезмәте.