+21 °С
Болытлы
Яңалыклар
10 февраль , 09:55
Мәскәүгәчә барып җитсен туган йортның газиз җылысы!
18-28 февральдә «Башкортстаннан мәхәббәт белән» дип аталган республика акциясенең икенче этабы узачак.
Мәскәүгәчә барып җитсен туган йортның газиз җылысы!
Аның максаты - Мәскәү университетларында белем алучы студентларга һәм аспирантларга посылкалар илтү.
200 посылка һәм 6 тонна йөк илтү планлаштырыла. Моның өчен ике логистик маршрут гамәлгә ашырылачак:
18-19 февральдә — Учалы, Белорет, Аскар, Сермән, Инҗәр, Уфа, Кушнаренко, Чакмагыш, Дүртөйле, Нефтекама, Агыйдел һәм ахыргы нокта — Мәскәү.
25-26 февральдә — Сибай, Баймак, Юлдыбай, Зилаер, Исәнгол, Морак, Күмертау, Мәләвез, Салават, Ишембай, Стәрлетамак, Толбазы, Чишмә, Языково, Бүздәк, Туймазы, Октябрьский һәм шулай ук юлның ахыры — Мәскәү.
Акциянең төп максаты - студентларга адреслы ярдәм күрсәтү һәм туган як белән мәдәни-гаилә элемтәләрен саклап калу.
Анда катнашу өчен студентларга һәм аспирантларга әлеге ссылка аша теркәлү узарга һәм катнашучы анкетасын тутырырга кирәк:
assotsiatsiya-stude-event.timepad.ru/event/3615330
Акция студентлар һәм аспирантлар өчен генә үткәрелә һәм Башкортстан Республикасы Башлыгы ярдәме белән гамәлгә ашырыла.
Фото: "Башинформ"
