Радий Хәбиров Ватанны саклаучылар көне белән котлады

"Бүген монда - республикабызның горурлыгы. Үз гомерләрен Ватанны саклауга багышлаучылар - хәрбиләр, запастагы офицерлар, Кораллы Көчләр ветераннары, көч структуралары вәкилләре. Махсус хәрби операциядә катнашучыларны, аларның гаилә әгъзаларын, һәлак булган геройларның туганнарын чын күңелдән сәламлим. Сезгә түбәнчелек белән баш иябез!" - диде Башкортстан Башлыгы.

Республика Башлыгы фикеренчә, безнең көннәрдә ир-егетләрнең традицион бәйрәме аеруча зур мәгънәгә ия, Ватанны саклаучыларның бердәмлеге символына әверелә.

Башкортстан Башлыгы Югары Башкомандующий куйган бурычларны намус белән үтәгән СВО ветераннарына рәхмәт белдерде.

- Сез тагын Башкортстанның каһарманнар ватаны булуын исбатлыйсыз - диде ул. - Барлык геройларыбыз, исемле батальон сугышчыларының, иреклеләрнең, контрактчыларның батырлыклары белән горурланабыз. Мобилизация кысаларында хәрби хезмәткәрләр сафына чакырылганнар турында аерым хис белән сөйлибез. Алар арасында төрле һөнәр ияләре – укытучылар, инженерлар, медицина хезмәткәрләре, аграрийлар, мәдәният эшлеклеләре бар. Аларның күбесе батырлык һәм ныклык үрнәкләре күрсәтте. Барлык геройларыбызның исән-сау һәм Җиңү белән өйләренә кайтуын көтәбез!

"Кызыл таң"ның да Telegram мессенджерында рәсми каналы бар. Кушылыгыз!
Каналга кушылыр өчен сылтама буенча үтегез: t.me/kiziltanufa

Фото: glavarb.ru