-7 °С
Болытлы
Барлык яңалыклар
Яңалыклар
14 март , 14:14
Түбәдән - кар, кардан түбә ишелгән
Калтасы районының Краснохолм авылында күп кар яву аркасында күпфатирлы йортның түбәсе өлешчә җимерелгән, дип хәбәр иттеләр Гадәттән тыш хәлләр министрлыгының Башкортстан буенча Баш идарәсе матбугат хезмәтендә.
Түбәдән - кар, кардан түбә ишелгән
Гадәттән тыш хәл бүген иртә таңнан булган. Кар күп җыелганлыктан, түбә конструкциясе түзә алмаган - Фрунзе урамындагы ике катлы, 16 фатирлы торак йортның шифер түбәсе өлешчә җимерелгән.
Бәхеткә, беркем дә зыян күрмәгән. Барлык 28 кеше, шуларның сигезе — балалар, фатирларыннан үзләре чыгып китә алган.
"Җимерелү 150 квадрат метр мәйданда булган. Урында ашыгыч хезмәтләр эшли. Анда яшәүчеләр дә үз фатирларында", - дип сөйләделәр Гадәттән тыш хәлләр министрлыгының Башкортстан буенча Баш идарәсе матбугат хезмәтендә.
Район прокуратурасы әлеге факт буенча тикшерү уздыра.
Фото: "Башинформ"
Новости партнеров