+22 °С
Облачно
Яңалыклар
20 Июня , 11:35
Балалар фольклориадасына санаулы көннәр генә калды
III Бөтенрусия балалар фольклориадасының ачылу тантанасында беренче тапкыр Дуслык һәм бердәмлек гимны яңгыраячак.
Балалар фольклориадасына санаулы көннәр генә калды
Нәкъ менә шул мизгелдән Уфада мәдәният һәм гореф-гадәтләр бәйрәменең яңа тарихы башланачак.
Гимнны 200дән артык бала башкарачак. Алар арасында халыкара конкурслар һәм фестивальләр лауреаты Екатерина Тойгильдина, «Ассоль» үрнәк вокаль-хореография студиясе, «Чудетство» эстрада балалар җыры театры һәм фольклориадада катнашучылар бар.
Музыка авторы — Ришат Сәгыйтов, текст авторы — Ольга Мусина.
Аннары сәхнәгә Башкортстан Республикасының әйдәп баручы иҗат коллективлары чыгачак. Алар күпмилләтле илебез халыкларының мәдәни традицияләре байлыгын һәм матурлыгын күрсәтәчәк.
Тамашачыларны 700 артист катнашындагы масштаблы вокаль-хореографик тамаша көтә.
Уфаның Совет мәйданында очрашканга кадәр!
Чара 24 июньдә 18.00 сәгатьтә башлана.
Фото: Башинформ
