Башкортстанда ягулык белән хәл контрольдә

Башкортстанда ягулык белән тәэмин итү торышы әкренләп яхшыра. Бу хакта БСТ телеканалындагы туры эфир вакытында республика сәнәгать, энергетика һәм инновацияләр министры урынбасары Эдуард Мостафин сөйләде.

Аның сүзләренчә, Уфа һәм республикадагы кайбер АЗСлар әлегә аерым контрольдә кала. Баймак, Благовар һәм Хәйбулла районнары «кызыл зонада». Ерак районнарга ягулык ташучы машиналар пилотсыз очкычлар куркынычы режимы аркасында соңрак килә.

Бу хәл ягулык ташу вакытын да озайта. Шуңа күрә белгечләр автомобиль йөртүчеләргә юлны һәм ягулык салу вакытын алдан планлаштырырга киңәш итә.

Кече АЗСларның яңадан эшли башлавы да хәлне яхшырта. Мәсәлән, Иглин районында берничә кечкенә заправка ачылгач, ягулык белән тәэмин итү торышы уңай якка үзгәргән.

Сибайда хәл динамик рәвештә үзгәрә: 21 август иртәсенә шәһәрдә бензин булган. Баймакта исә ягулык көн ахырына кадәр көтелә.

Белгечләр билгеләп үткәнчә, хәзер базарда АИ-92 һәм АИ-95 бензины җитәрлек дәрәҗәдә. АИ-100 исә азрак кулланыла торган ягулык төре. Аның ихтыяҗы автомобильләрнең техник үзенчәлекләренә бәйле.

АЗСларның берсендә «Евро-6» билгесендәге санның ябыштырылуы да аңлатылды. Бу челтәргә К5 маркалы бензин китерелә башлаган, ул шул ук сыйфат классына туры килә. Шуңа күрә автомобиль йөртүчеләргә борчылырга сәбәп юк.

"Кызыл таң"ның да МАХ мессенджерында рәсми каналы бар. Кушылыгыз!
Каналга кушылыр өчен шушы сылтама буенча үтегез: max.ru/kiziltan102