«Үзебезнекеләрне ташламыйбыз»: Уфада волонтёрлар маскировка челтәрләре үрде

Бүген Уфадагы «Башкортстан» дәүләт концерт залы каршындагы мәйданда VI республика «Славяне XXI века» фестивале кысаларында «СВОих не бросаем» патриотик мәйданчыгы эшләде.

Мәйданчыкта волонтёрлар һәм осталар махсус хәрби операциядә катнашучылар өчен маскировка челтәрләре үрде. Теләүчеләр дә эшкә кушылып, челтәргә тасма бәйли һәм хәрбиләргә теләкләрен калдыра алды.

Башкортстанда 165тән артык волонтёрлык цехында 10 меңнән артык кеше ярдәм күрсәтә. Алар арасында «Масксети Щит – Уфа Башкортстан», «Надёжный тыл Башкортостана», Минигали Шәйморатов исемендәге волонтёрлар штабы һәм башка берләшмәләр бар.

«Товарищи» һәм «Хранители домашнего тепла» оешмалары вәкилләре дә фестивальдә үз эшләрен тәкъдим итте. Укучылар һәм аларның әти-әниләре махсус хәрби операциядә катнашучыларга кулдан ясалган уенчыклар, хатлар һәм гуманитар ярдәм әзерләүдә катнаша.

Патриотик мәйданчыкның программасын концерт номерлары да тулыландырды. Сәхнәдә «Кредо» эстрада балеты, «Притяжение» җыр театры, «Широко поле» казаклар ансамбле һәм «Древо» фольклор төркеме чыгыш ясады.

"Кызыл таң"ның да МАХ мессенджерында рәсми каналы бар. Кушылыгыз!
Каналга кушылыр өчен шушы сылтама буенча үтегез: max.ru/kiziltan102