+13 °С
Ясно
Яңалыклар
17 Сентября , 11:00
«Рәхмәт» акциясе 18–20 сентябрьдә узачак
Бердәм тавыш бирү көннәрендә – 18–20 сентябрьдә – Башкортстанда традицион «Рәхмәт» акциясе узачак. 2026 елда акциянең форматы үзгәргән: ул тулысынча партнерларның ташламаларыннан тора.
«Рәхмәт» акциясе 18–20 сентябрьдә узачак
Башкортстан Сәүдә ассоциациясе вәкиле Тимур Нигъмәтуллин хәбәр иткәнчә, акциягә меңнән артык сәүдә һәм хезмәт күрсәтү ноктасы, шулай ук 600дән артык эшкуар кушылган.
Партнерлар арасында азык-төлек кибетләре, кафе һәм рестораннар, балалар үзәкләре, фитнес-клублар, автосалоннар һәм чәчтарашханәләр бар.
Ташламаларның күләме 50 процентка кадәр җитә. Акция партнерларының тулы исемлеге һәм шартлары рахмат2026.РФ сайтында урнаштырылган.
Акциядә кулланыла торган купонга сайтка күчү мөмкинлеге бирүче QR-код урнаштырылган. Оештыручылар хәбәр иткәнчә, купонны куллану өчен аерым теркәлү таләп ителми.
«Бәйрәм» кибетләре челтәре вәкиле Эльвира Вәлиева акция шартларын кулланганда килеп чыгарга мөмкин булган сорауларны тыныч һәм бер-береңә хөрмәт белән хәл итәргә чакырды.
Оештыручылар хәбәр иткәнчә, якын арада рахмат2026.РФ сайтында кире элемтә формасы да барлыкка киләчәк.
