Чит илләр күзәтүчеләре нинди фикердә?

Төркиядән профессор-сәясәт белгече Хөсәен Барыш Достер, Мадагаскар Милли Җыелышы әгъзасы Софи Ратцирака, алдынгы тикшеренүләр институты вице-президенты Марко Антонио де Фрейташ (Бразилия) һәм Индонезия демократик көрәш партиясе Генеральный секретаре Хаста Кристиянто үз фикерләре белән уртаклашты.

Экспертлар Уфа үзәгендә дә, республиканың авыл районнарында да сайлау участокларында булган. Аларның бердәм фикере буенча, тавыш бирү югары оештыру дәрәҗәсендә уза, үтә күренмәле һәм тулысынча законга туры килә.

Хөсәен Барыш Достер 60 проценттан артыграк кеше килүен һәм анда төрле яшьтәге кешеләр булуын билгеләп үтте.

«Бу дәүләтнең җаваплы мөнәсәбәтен һәм демократиягә юнәлгәнлеген күрсәтә", - дип ассызыклады ул.

Эксперт Төркиядәге бер көнлек белән чагыштырганда өч көнлек тавыш бирү форматының уңайлылыгын аерым билгеләп үтте, анда сайлаучыларга чиратларда 30-40 минут торырга туры килә.

Софи Ратцирака Русиягә дуслык өчен рәхмәт белдерде һәм участокларны технологик яктан тәэмин итүнең югары дәрәҗәдә булуын күрсәтте:

"Бөтен җирдә видеомәгълүматны үзәкләштерелгән рәвештә җибәрүче камералар тора. Бу без Мадагаскарда үзебезгә булдыра алмаган яңа технологияләр"»

Ул шулай ук процессны оештыруда хатын-кызларның зур ролен һәм комиссия хезмәткәрләренең җылы кабул итүен билгеләп үтте.

Марко Антонио де Фрейташ шәһәрдә һәм авыл җирлегендә лаеклы дәрәҗәдә оештыру турында белдерде. Ул күзәтүчеләрнең эшен һәм процессның легитивлыгы күрсәткечләре буларак халыкның югары мәгълүматлылыгын ассызыклады.
Хаста Кристианко Русия яшьләренең югары сәяси хәбәрдарлыгына игътибар итте. Ул беренче тапкыр тавыш бирүче сайлаучы белән аралашкан һәм егетнең программаны алдан ук өйрәнүенә һәм барлык кандидатлар белән танышуына аеруча гаҗәпләнгән.

О.Е. Кутафин исемендәге университетның Дәүләт һәм хокук теориясе кафедрасы профессоры Илья Чечельницкий республиканың Стәрлетамак һәм Ишембай районнарында мониторинг төркеме эше турында сөйләде. Экспертлар сайлау комиссияләре вәкилләре һәм барлык сәяси партияләрдән күзәтүчеләр белән аралашты һәм сайлаулар үтә күренмәле, ә Башкортстан гадәттәгечә гражданнарның югары сайлау активлыгы белән аерылып тора дигән фикергә килде.

Фото: Динар КӘЛИМУЛЛИН.