-26 °С
Болытлы
Гәзиткә язылуVKOKTelegramЯRus
Барлык яңалыклар
Җәмгыять
26 декабрь 2009, 02:00

Кыш бабайны көткәндә

Дәүләкән шәһәренең үзәк мәйданында быел иң матур чыршыларның берсе утырадыр, мөгаен. Коммуналь предприятие хезмәткәрләре һәм махсус бригада аның тирәсендә бизәкләү эшләрен тәмамлый. Ә шәһәр халкы, аеруча балалар, чыршы янына ашкына. Әти-әниләренә ияреп, ясалма таудан шуарга килүчеләр бик күп. Ханты-Манси өлкәсендә вахта ысулы белән эшләүче нефтьче Сергей Тевс дүрт яшьлек улы Арсенийны алып килгән.


— Яңа елны хезмәт вахтасында каршылаячакмын. Шуңа күрә ялымда улым белән күбрәк бергә буласым килә. Аның белән монда ясалма тауны урнаштырганнан бирле көн дә йөрибез. Район һәм шәһәр хакимиятенә шушындый матур бәйрәм мәйданчыгы эшләтүләре өчен зур рәхмәт! — ди Сергей Юрьевич.
Яңа ел кичендә мәйданны тулысынча үз итәргә өлгергән Арсений монда әнисе, шәһәрнең 7нче санлы мәктәбе укытучысы Алена Николаевна белән киләчәк һәм Себердән Кыш бабай аша бүләкләр җибәргән әтисен искә ала-ала:
— Әни, без әти белән монау таудан шудык, боз өенә кердек! — дип куанычлы тәэссоратлары белән уртаклашачак.
Читайте нас в