+19 °С
Болытлы
Гәзиткә язылуVKOKTelegramЯRus
Барлык яңалыклар
Җәмгыять
21 октябрь 2014, 22:04

Хәзер мәчете дә бар

Миякә районының Сатый авылы елдан-ел күркәмләнә.Күптән түгел анда яңа мәчет ачу тантанасы үтте. Авыл халкының куанычын уртаклашырга Башкортстан мөселманнары Диния нәзарәте рәисе, мөфти Нурмөхәммәт хәзрәт Нигъмәтуллин, район хакимияте башлыгы Зәйнулла Насыйров килгән иде.

Сатыйда тырыш, чәмле халык яши. Күркәм мәчет бинасы да тулысынча җәмәгать көче, халыктан кергән акча исәбенә төзелгән. Шунысы куанычлы, сатый­лы­ларның булдыклы якташлары тоемлы ярдәм күрсәткән. Туган авылы өчен җан атучы бертуган Хәби­бовларны, Нә­фый­ков­ларны биредә һәрчак олы рәхмәт һәм ихтирам белән телгә алалар. Бу юлы да алар изге эшнең уртасында кайнаган. Стәрле­баш районының Яшырган авылы белән Сатыйны тугандашлар дип әйтергә дә була. Кайчандыр Сатыйның укымышлы, алдынгы карашлы кешеләре Яшырганда аң-белем тараткан, шунда тормыш корып, төпләнеп калган, соңрак бу авыллар арасында кода-кодагыйлык та киң таралган. Сатый мәчетен төзетүгә зур өлеш керткән стәрле­баш­лылар Барый Нур­мөхәммәтов һәм Исмәгыйль Вилдановны аерып телгә алмый булмый. Сатый­ның яшь имам-хатибы Рафаил хәзрәт Хәбибовның яңа мә­четтә, заманча тех­нология­ләрне киң кулланып, балаларга гарәп телен, динебез нигезләрен өйрәтә башлавы да күңелгә ятышлы күренеш.
Читайте нас в