Шагыйрьнең исеме мәңгеләштерелде

Башкорт халкының мәшһүр улы, күренекле шагыйрь, Башкортстан Язучылар берлеге идарәсенең элекке рәисе, Русиянең атказанган мәдәният хезмәткәре Риф Тойгынга шушы көннәрдә 68 яшь тулган булыр иде. Шагыйрь Чишмә районының Хаҗәт авылында җирләнгән. Туган көнендә аның каберендә киң җәмәгатьчелек һәм язучылар катнашлыгында һәйкәл ачылды. Чарада Чишмә районы хакимияте башлыгы Флүр Уразмәтов, Башкортстан Язучылар берлеге идарәсе рәисе урынбасарлары Спартак Ильясов, Фәния Габидуллина, урыс секциясенең әдәби консультанты Леонид Соколов, әдипләр Ногман Мусин, Ирек Киньябулатов, Галим Хисамов, Мөхәммәт Закиров, Тимергали Килмөхәммәтов, Дамир Шәрәфетдинов, Әхмәр Үтәбай, мәрхүмнең якташы Җиһат Солтанов һәм якыннары — җәмгысе иллеләп кеше катнашты. Һәйкәл ачылу Әнвәр хәзрәтнең Йәсин сүрәсен укуыннан башланды.

Флүр Уразмәтов үзенең чыгышында Риф Тойгынның 1994 елдан башлап Чишмә районына еш кайтып йөрүен, биредәге халыкны ихлас үз итүен, чараларда актив катнашуын ассызыклады. Һәйкәлне ачарга шагыйрьнең бертуган энесе Рәхим Тойгынов һәм кияве Әнвәр Шамаев чакырылды. Барлык каләм ияләре дә мәрхүм турында якты истәлекләре белән бүлеште, аңа багышлап язылган шигырьләр яңгырады. Ерак араны якын итеп, шагыйрьнең туган төбәгеннән Ырынбур өлкәсе Куандык районы вәкиле, туганы, район башкортлары корылтаеның экс-рәисе һәм әгъзасы Габит Тойгынов та килгән иде.
Шагыйрь каберенә аның исемен мәңгеләштерүче һәйкәл куюга зур матди көч салган мәрхүмнең хатыны Рәйсә ханым, туганнары Рәхим һәм Әмир Тойгыновлар шагыйрьнең туган көненә һәйкәл ачуга килүче һәр кешегә ихлас рәхмәт сүзләрен юллады.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27