Уңай бәя бирелде

Уфа үзәгендә калкып чыккан “Хилтон” кунакханәсендә эшләр оешкан төстә бара.Мәгълүм булуынча, 2015 елда Уфада ШОС һәм БРИКС саммитлары үтәчәк. Чарага әзерлек кысаларында Уфа аэропорты төзекләндерелә. 2013-17 елларда бу максатка 9 миллиард 400 миллион сум акча бүлү планлаштырыла. Шуның 7,5 миллиард сумы – федераль бюджеттан. Югары уку йортларын төзекләндерүгә 150 миллион сум акча юнәлтелә. Чара кысаларында башкалабызга бик күп дәрәҗәле кунаклар килүе көтелә. Билгеле, аларны тиешле шартларга җавап бирүче яшәү урыннары белән тәэмин итү зарур. Дүрт кунакханә ел ахырында ишекләрен ачачак. 2015 елның апреленә кадәр янә өч кунакханә эшли башлаячак. Нәтиҗәдә, номерлар фонды 3700гә җитәчәк. Әйткәндәй, Башкортстан Президенты Рөстәм Хәмитов объектлардагы эшләрне 2015 елның маена тәмамлау бурычы куйды. Кунаклар килүгә объектлар әзер булырмы? Шушы сорауга җавап эзләп, Уфа үзәгендә төзелүче “Hampton by Hilton Ufa” (“Хилтон”) кунакханәсе төзелеше белән таныштык.

— Диварларны күтәреп, тәрәзәләр куйдык, — диде участок җитәкчесе Рөстәм Султакаев. — Әлеге вакытта бина эчендә дә, тышта да төзекләндерү эшләре дәвам итә. Асфальт түшибез, бордюрлар урнаштырабыз. Сынатмыйча, объектны тиешле вакытта файдалануга тапшырачакбыз.
— Кунакханә территориясенә 500 бордюр урнаштырылачак, — диде участок мастеры Вадим Фәйзуллин. — 2000 квадрат метрга ком-таш катнашмасы, вак таш һәм асфальт түшибез. Мөһим эшкә 20 белгеч, биш берәмлек техника җәлеп ителгән. Төзекләндерү эшләре вакытында тәмамланачак.
Әйткәндәй, 6500 квадрат метрлы “Хилтон” кунакханәсендә 160тан артык номер булачак. Биредәге фитнес-үзәк, лобби-бар, конференц-зона тәүлек әйләнәсенә эшләячәк.
* * *
Кичә Уфага Русия Президенты ярдәмчесе, илебезнең Шанхай хезмәттәшлек оешмасында һәм БРИКС берләшмәсендә рәислек итүен әзерләү һәм тәэмин итү буенча оештыру комитеты рәисе Юрий Ушаков, Президент советнигы, комитет секретариаты җитәкчесе Антон Кобяков, Президентның Протокол идарәсе начальнигы Владимир Китаев килде. Югары кунаклар Уфада үтәчәк ШОС һәм БРИКС саммитларында файдаланылачак объектлардагы эшләр барышыннан канәгать калды һәм республика җитәкчелегенең бу юнәлештәге эшен уңай бәяләде.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27