Кояш гомере...

Бер кыз бала җыр чыгарган,Багышлап әнисенә. Икәү бергә җырлыйк диеп,Өйрәткән энесенә. Кояш, кояш, мәңге балкыйМәңге нур сибә.Кояш гомере телим минӘнием сиңа...Фәнүнәсе (Башкортстанның халык артисткасы Фәнүнә Сираҗетдинова — В. М.) радиодан шушы җырны башкарган саен үзәге өзелә Миңнезадәнең. Өзелмәслекмени? Күңеле моң белән тулы кызчыгы ике яшендә хараплар гына була язды ич. Агач сәкегә утырып, уйнап калган иде. Тыштан әйләнеп керүенә сулы мичкәдә тыпырчынып ята. Каян анда барып төшкән диген? Ярый әле, вакытында кереп, үзен тартып чыгара алды. Ихатада озаграк йөрсә, тончыгып үләсе иде бәбекәе. Аллаһы Тәгалә мәрхәмәтле булды аңа шул чагында. И-и-и, ул Аллаһы Тәгаләгә булган рәхмәтләрне санап-сөйләп кенә бетерерлекме соң? Фәнүнәсенең җырындагыча, кояш гомере бирде ич ул аңа. Озын бер гасырга сузылган гомер. Кемгә тия әле андый бәхет?

Хәер, үзе дә гомере буе, кояш кебек, эшчән булды. Кояш белән бергә уянды, ул офык артына кереп югалгач кына йокларга ятты. Аллаһка шөкер, гомере тынгысыз хезмәттә үтте.
Миңнезадә төсле җепләрдән урындык япмасы бәйләп утырганда әнә шулар хакында уйланды. Уйлары узган гасыр башына таба алып китте.
1915 елның 13 гыйнварында Илеш районы Ишкар авылында Гыйззелбанат Раян кызы һәм Гали Вәли улы Галиевлар гаиләсендә алтынчы бала булып дөньяга килгән ул. Бәләкәй чагында курчаклы уйнарга яратуы, аларга күлмәкләр тегеп кидерүе, аның бу шөгылен күреп, әти-әнисенең: “Кулың тегүгә ятып тора, булдырасың бит, кызым”, — дип еш кына үсендереп җибәрүләре хәтерендә уелып калган. 1922 елда 1нче сыйныфка укырга төшкән мизгелен дә яхшы хәтерли әле ул. Хәтерләү генә түгел, аның белән бергә мәктәп ишеген ачып кергән 43 баланың барысының да (хәтта күршедәге Сәеткул авылыннан килгәннәрнең дә) исемнәренә кадәр белә. Мәктәптә бик яхшы укыды ул. Аеруча җыр дәресләрен көтеп алды. Наирә апасы үзе дә дәрес башлануга: “Миңнезадә, син башлап җырла!” — дип әйтә торган булды. Укытучы әйткәнгә каршы килеп буламыни? Чишмә челтерәвен хәтерләткән йомшак тавышы белән җырлый башласа, хәтта тәртипсез малайлар да шым гына утыра иде.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27