Кәфенлегеңнән дә колак кагарсың...

Шулай беркөнне “Аргументы и факты” гәзитен карап утырган Мәхмүтнең күзе иң арттагы битенә төште. Анда бик эре хәрефләр белән Мәскәүдә җиденче ел дәвам иткән 333нче юбилей акциясе үтәчәге ћәм катнашкан ке­шеләр арасында җиңеп чыгучы бердәнбер кешегә 3 миллион сум акча тапшырылачагы турында әйтелгән. Ә акциядә катнашу өчен кулыңа каләм, кәгазь алып, туган елларга, көннәргә дүрт урынлы санны кушарга кирәк икән. 3 миллион килеп чыкса, шул җиңәчәк ћәм 3 миллион сумга ия булачак, өстәвенә шунда ук шалтыратып хәбәр итәргә номерлары язылган. Мәхмүт карт, бәлки минеке туры килер дип, кызык итеп кенә исәпләп карарга булды. Чынлап та, нәкъ 3 миллион саны килеп чыкмасынмы?! Хатыны Гөлбануны ярдәмгә чакырды. Тегесе исә кул гына селтәде. Тоттырдылар ди сиңа 3 миллионны, анда­гыларның башлары эшлә­мимени?
Тизрәк телефо­ннан но­мерларын җыеп әйтергә кирәк. Акчаны Мәс­кәүдән барып кына аласы кала. Мәхмүт карт шал­тыратып үзе һәм кайда яшәве хакында сөйләп бирде. Аңа бер атнадан хәбәр көтәргә куштылар.
Атна үтүгә түземсезлек белән көткән хат килде. Каршы чыгыйм дип кенә торганда, хат ташучының нишләптер өй­ләренә үк кереп килүен күрде карт.
— Почта тартмасына сыймаганга үзегезгә кертеп бирергә булдым әле хатны, дип бабайның кулына тот­тыргач, тизрәк чыгып китү ягын карады ул.
Калын конверт тышына чыпчык башы кадәрле хә­рефләр белән “Специальное отправление. Важное сооб­щение” дигән язуны укыгач, ипләп кенә конвертны ачты. Анда “ Вы стали ПОБЕДИТЕЛЕМ АКЦИИ! И теперь можете получить 3 000 000 рублей...” дип язылган. 2014 елның 31 октябрендә Мәскәүдә тапшы­рылачак икән. Дистәгә якын аллы-гөлле, чуклап язылган кәгазьләрнең иң соңгысын кулына алды. Җиңүче буларак, кимендә 1 мең сумлык Мегги Молл товарларын почта аша алдырырга кирәклеге турында язу янына каталогы да җи­бәрелгән иде. Монысы нигә инде, мондый әйберләр үзе­безнең сәүдә нокталарында да тулып ята. Өстәвенә, табак-савыт юа торган щетка үзлә­рендәге “Все по 39 рублей” дигән товарлар бүлегендә дә бар. Берничә көн элек кенә карчыгы Гөлбану алып кайткан иде. Ә боларда нәкъ шул щетка 299 сум тора!
Пенсия килгәч тә 1 мең сумлык кына заказ җибәрергә кирәк, дип уйлады карт.