+19 °С
Ачык
Гәзиткә язылуVKOKTelegram
Барлык яңалыклар
Җәмгыять
17 февраль 2015, 20:55

Яңа производство – яңа эш урыннары

“Кроношпан-Башкортостан” җәмгыяте оештырган вакансияләр ярминкәсендә алты меңнән артык кеше катнашты.Бүгенге икътисади шартларда эшсезлек мәсьәләсе аеруча кискен тора. Ел башыннан республикада 744 кеше эшсез калган. Февраль башында Башкортстанда 23,8 мең эшсез рәсми теркәлгән. Ел дәвамында андыйлар саны тагын 9 мең кешегә артачак дип көтелә. Мәсьәләне хәл итүнең төрле юллары кулланыла. Әлеге максатта федераль бюджеттан 52,2 миллиард сум акча бүлү каралган. Республикада да яңа эш урыннары булдыру игътибар үзәгендә.

Башкаланың “ВДНХ-Экспо” күргәз­мәләр комплексында “Кроношпан-Башкортостан” җәмгыяте оештырган вакансия­ләр ярминкәсе узды. Анда дөньяның 24 илендә 29 предприятиесе булган холдингның яңа тармагында эшләргә теләүче 6 меңнән артык кеше катнашты.
Май-июньдә эшли башлаячак предприятие агач эшкәртү белән шөгыль­ләнәчәк. Бире­дәге технология агач җитеш­терү калдыкларын куллануга корылган.
Предприятиегә 8,5 миллиард сум инвестицияләр җәлеп ителәчәк. Киләчәктә җитештерү куәте үсәчәк һәм инвестицияләр күләме 17 миллиард сумга җитәчәк дип көтелә.Төп производствода 250 эш урыны каралган, киләчәктә биредә эшләүчеләр саны 600 кешегә җитәчәк, урман кисү, агачтан җиһаз эшләү, транспорт челтәрен үстерү һәм башка эшчәнлек киң җә­елдереләчәк.
Бирегә агач сатып алу буенча белгеч, аның сыйфаты буенча контролер, маркетолог, логист, технолог, лаборант, программист, инженер, бухгалтер, механик, водитель һәм башка һөнәр ияләре кирәк. Аларның кай­берләренә инглиз һәм немец телләрен белү таләп ителәчәк.
Ярминкәгә килүчеләр арасында яшьләр күп. Иглин районыннан Илгиз Макулов армия сафларында хезмәт итеп кайткан, үзаллы тормыш башларга җыена.
— Заманча технологияле яңа предприятиедә эшләп карау теләге зур, әлбәттә, — ди ул. — Транспорт челтәрендә эшләргә ниятлим. Әлегә гариза калдырам, ике атнадан җавап булачак, көтәбез!
Читайте нас: