+19 °С
Болытлы
Гәзиткә язылуVKOKTelegram
Барлык яңалыклар
Җәмгыять
8 апрель 2015, 22:52

Җәяүле кагыйдә бозганга водитель гаеплеме?

Юлларда тәртип урнаштыру өчен штрафлар күләмен арттыру гына җитми, күрәсең...Соңгы елларда юлларда җиңел машиналар саны артa. Моны Уфадагы юл тыгыннарыннан, республика аша үтүче федераль трассалардагы киеренке хәрәкәттән дә ачык күрергә мөмкин. Атлаган саен автомәктәпләр ачылу, “корыч ат”ларны кредитка алу мөмкинлеге бирелүнең дә нәтиҗәсе бу. Беренче карашка, мондый күренешкә шатланырга гына кирәк кебек. Халык машина ала икән, димәк, мул тормышта яши. Шул ук вакытта, күңелсез статистика турында да онытырга ярамый. Узган елда Башкортстанда теркәлгән 4912 юл фаҗигасендә 706 кеше һәлак булган һәм 6234е җәрәхәтләр алган. Штрафларны арттыру, күзәтү камералары урнаштыру юл фаҗигаләрен киметә алганмы? Күңелсез очракларны киметү максатында быел тагын нинди чаралар күреләчәк? Узган ел йомгакларына нигезләнеп, шул хакта фикер йөртеп карыйк.

Балигъ булмаганнар катнашлы­гындагы юл фаҗи­галәре саны 3,2 процентка киме­гән. Республика буенча 393 очракта 410 бала җә­рәхәт алып, 21енең гомере өзелгән. Кечкенә балаларны йөртүдә махсус кәнәфи кулланмаучыларга штраф кү­ләмен арттыру да нәтиҗә бирми калмаган, әлбәттә. Сабый балалары булган ма­шина хуҗалары язмышны сынамасын иде.
Күпчелек фаҗигаләрдә юл хәрә­кәтендә катнашу­чыларның кагыйдә бозуы сәбәпче. Бу водительләргә генә түгел, җәяүлеләргә дә кагыла. Узган елда республикада 2 миллион 400 мең административ хокук бозу очрагы теркәлгән. Кагыйдә бозучыларның 2 миллион 312 меңе — водительләр. 95 мең очракта водительләр шофер танык­лыгыннан мәхрүм ителгән. Килешергә кирәк, машина­сының куәтенә ышанып, каршы як юлга чыгып, хәвеф тудыручылар җәзасын алырга тиеш. Юл кагый­дәләрен санга сук­мау­чы җәяүлеләр дә җавап­лылыкка тарттырылсын иде. Машина йөреп торган юлны тиешсез урында кисеп чыгып, хәвеф тудыручыларга штраф салыну түгел, хәтта кисәтү дә ясалмый. Юлдагы хәвеф­сезлек өчен бер водитель генә җавап бирергә тиеш түгел. Кагыйдә бозган җәяү­леләрне җавапка тарттыру чараларын күрергә вакыт.
Читайте нас: