-13 °С
Болытлы
Гәзиткә язылуVKOKTelegramЯRus
Барлык яңалыклар
Җәмгыять
25 июнь 2015, 22:28

“Эшлекле гамәлләр” дәвам итә

“Бердәм Русия” партиясенең халык башлангычларын тормышка ашыруда ярдәм итүче яңа проекты уңышлы эшләп килә. Аның кысаларында чираттагы очрашу Уфа районының Черкассы һәм Кызыл Яр авылларында узды. Җыен хакында билгеле булгач, әлеге авыл Советына керүче башка торак пунктларда яшәүчеләр дә анда катнашырга теләк белдергән. Утырышта “Бердәм Русия” активистлары, район һәм авыл Советы депутатлары проект ярдәме белән хәл итү мөмкинлеге булган мәсьәләләрне тикшерде.

Халык тәүдә көнүзәк һәм киң таралган проблемаларны күтәреп чыкты. Черкассыда авыл­ны су белән тәэмин итү мәсьәләсе кискен тора. Эссе көннәрдә халык эчәр суга да интегә.
Тагын бер проблема — фельдшер-акушерлык пунктларын заманча җиһазлан­дыру, дарулар һәм белгечләр белән тәэмин итү.
Яшьләр белән бәйле мәсьә­ләләр дә авыл халкын борчуга сала. Мәсәлән, урындагы клуб дистәләгән еллар эшләми. Аны тергезү өчен акча таләп ителә.
Кызыл Ярда да хәл ителәсе мәсьәләләр җитәрлек. Алар арасында — биш авылдан 239 бала укыган урта мәктәп­нең нигезен ремонтлау, балалар бакчасының тәрәзәләрен алмаштыру, мәдәният йор­тының актлар залын җылылык белән тәэмин итү, авыл янындагы чүплекне җыештыру.
— Мәктәп 70нче елларда төзелгән. Капиталь ремонт соңгы тапкыр 2001 елда эшләнде. Бүген вак-төяк ремонт эшләрен башкара алабыз. Нигезне яңарту үзебезнең көчтән генә килми, — ди мәктәп директоры Гүзәл Зөбәерова.
Көнүзәк проблемаларны хәл итәргә авыл халкы үзе дә әзер. Моның өчен кемдер финанс яктан ярдәм итәчәк, ә икенчеләр эшне башкарачак.
— Уфа районында ике җыен узды. Халыкның аларда теләп катнашуын билгеләп үтәргә кирәк. Көнүзәк мәсьәлә­ләрне хәл итүгә бүгеннән үк алыначакбыз, — диде “Бердәм Русия” партиясенең урындагы бүлекчәсе җитәкчесе Светлана Шәмсетдинова.
“Эшлекле гамәлләр”нең эшче төркеме 1 июльгә кадәр республиканың һәр муниципалитетында халыктан тәкъдим­нәр кабул итүне дәвам итә.
Читайте нас в