+21 °С
Яңгыр
Гәзиткә язылуVKOKTelegram
Барлык яңалыклар
Җәмгыять
15 сентябрь 2015, 23:08

Джин-тоникларны сату тыелды

1 сентябрьдән Башкортстанда джин-тоникларны сату тыелды. “Башкортстан Республикасында этил спирты, алкоголь һәм спиртлы продукция җитештерү һәм әйләнеше өлкәсендә эшчәнлекне көйләү турында” закон Дәүләт җыелышы-Корылтайда 25 июньдә берьюлы өч укуда кабул ителде. Белем көнендә аз алкогольле эчемлекләрне ваклап сатуны тулысынча тыйган закон көченә керде.

Дәүләт җыелышы-Ко­рыл­тайның Сәнәгать, инно­вацион үсеш һәм эшкуарлык буенча комитеты рәисе Рә­шит Хәй­рул­лин сүзләренә ка­раганда, закон иң элек яшьләр сәла­мәт­леген саклауга юнәлтел­гән.
Аның әйтүенчә, джин-тоникларга төрле тәмләтүче һәм көчне арттыручы өстә­мәләр кушыла, алар матур савытларда чыгарыла һәм яшьләр­не җәлеп итә. Этил спирты белән тонусны күтә­рүче мат-дәләр (әйтик, кофеин) кушылмасы яшь ке­ше­ләрнең ал­коголь­гә күне­гүен тизләтә. Аз алкогольле энергетик эчем­лекләр организмга начар тәэсир итә, соңыннан җитди авыруларга китерү куркынычы бар.

— Статистика мәгълү­мат­лары күрсәтүенчә, бу кок­тейльләрне куллану­чылар­ның 80 проценты — 18 яшь­кә ка­дәр ке­шеләр, — ди Рәшит Хәйрул­лин. — Кызганычка каршы, сәүдә нокталары хуҗа­лары кибет киштәләреннән тыелган продукцияне алырга ашыкмый. Бүген кергән өч кибетнең ике­сендә мин энергетик эчем­лекләр сатылуын күр­дем. Бу законны бозу. моның өчен сатучыларга — 10-15 мең сум, вазыйфалы кеше­ләргә — 50 мең сумга кадәр, юридик берәмлек­ләр­гә 200-300 мең сум штраф яный.

Әгәр дә джин-тоник балигъ булмаган балага сатыла икән, штраф күпкә артык булачак.
Депутат билгеләвенчә, җәмәгать эшлек­лелә­ре­нә, активистларга, депутатларга һәм сәүдә системасында эшләүчеләргә бу законны үтәүгә контрольне һәм җавап­лылыкны көчәйтергә кирәк.
— Безнең кулларда иң кыйммәтле нәрсә — үсеп килүче буын сәламәтлеге, — дип ассызыклады Рәшит Хәйруллин.
Читайте нас: