Безгә ватанпәрвәрләр кирәк!

Дүртөйле шәһәренең 10нчы “Ләйсән” балалар бакчасында иң кече яшьтән үк бу юнәлештә максатлы эш алып барыла.Үсеп килүче буын вәкилләрен чын ватанпәрвәрләр итеп тәрбияләү — һич арттырусыз, бүгенге заманның иң көнүзәк мәсьәләләренең берсе. Туган илеңә, халкыңа, аның мәдәниятенә, гореф-гадәтләренә, йолаларына карата яшь күңелләргә ихтирам орлыклары салу кебек шәхес үсешендәге мөһим эш мәктәпкәчә яшьтәге балалар тәрбияләү оешмаларында ук киң җәелдерелергә тиеш.Без, Дүртөйле шәһәренең 10нчы “Ләйсән” балалар бакчасы педагоглары, әлеге юнәлештә даими эшлибез. Быелгы чараларның күпчелеген илебез тарихындагы зур вакыйгага — Бөек Җиңүнең 70 еллыгына багышлап үткәрүебез дә шуның ачык дәлиле. Шушы максатта, балалар белән Бөек Ватан сугышын, яугирләребез каһарманлыгын сурәтләүче әсәрләр укыдык, шигырьләр ятладык, рәссамнарның әлеге теманы яктыртучы иҗат җимешләре белән таныштык.

9 Май бәйрәме уңаеннан оештырылган чараны аеруча зур әзерлек белән каршыладык. Бу көнне кунакка берничә Бөек Ватан сугышы ветеранын, тыл эшчәннәрен чакырдык. Алар белән фәһемле әңгәмә оештырылды, балалар матур концерт күрсәтте, мәртәбәле кунакларга үз куллары белән ясаган истәлекле бүләкләр тапшырды. Ветераннар да буш кул белән килмәгән иде: алар гаилә архивларында сакланган өчпочмаклы солдат хатларының эчтәлеге белән таныштырды, Бөек Ватан сугышы чорында хәрби киемдә төшкән фотоларын күрсәтте. Бәйрәм матур чәй табыны артында дәвам итте.
...Кызганычка каршы, җиңүчеләр буыны вәкилләренең сафы елдан-ел сирәгәя. Әмма аларның исемнәрен, батырлыкларын онытырга хакыбыз юк. Шуңа күрә дә без, тәрбиячеләр, Бөек Ватан сугышы, Җиңү тематикасының эш планыбызда һәрвакыт зур урын алып торырга тиешлеген аңлыйбыз. Балалар белән ел саен якташыбыз, Советлар Союзы Герое Василий Горшков һәйкәле, мәгърур Агыйдел елгасы ярын ямьләп торучы Бөек Ватан сугышы солдатларына багышланган мемориаль комплекс янына сәяхәт оештырабыз, чәчәкләр салабыз, без-нең күгебез аяз, тормышыбыз тыныч булсын өчен гомерләрен кызганмаган каһарман шәхесләр хакында зур ихтирам белән сөйлибез.

Хафиза Җиһаншина, Светлана Галиева,
Дүртөйле шәһәренең 10нчы “Ләйсән” балалар бакчасы тәрбиячеләре.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27