Карашлар Көнчыгышка төбәлгән

Әлеге Х Бөтенрусия съезды Баш­кортстан Хөкүмәте, Фәнни оешмалар федераль агентлыгы, Русия Фәннәр ака­демиясенең тарих-филология фәннәре бүлеге, Көнчыгышны өйрәнү институты һәм җәмгыяте, Гуманитар Фәнни фонд, Башкортстан Фәннәр академиясе, Ха­лыкара төрек академиясе, Истанбул университеты тарафыннан оештырыла.
Форумда чит илләрдән – 60, Мәскәү, Санкт-Петербург, Казан, Уфа, Новоси­бирскидан һәм Русиянең башка төбәк­лә­реннән 150 галим катнаша. Анда Көн­чыгышны өйрәнүчеләр һәм Русиянең Көнчыгышны өйрәнү үзәкләре, тарихта һәм хәзерге дөньяда Исламның роле, Ру­сиянең Көнчыгыш илләре белән хезмәттәшлек тарихы һәм перспективалары, фронтовик-галимнәрнең Көнчы­гышны өйрәнүгә керткән өлеше, Русия һәм Көнчыгыш халыкларының тел кон­тактлары һәм башка мөһим мәсьәләләр каралачак.
Фәнни форум кысаларында С. И. Руденко, Әхмәт-Зәки Вәлиди, Шәехзадә Бабич, Н. Т. Зарипов, Л. П. Атанова, З. Г. Ураксин, А. А. Юлдашев, К. З. Әхмәров һәм башка галимнәрнең юбилейларына багышланган симпозиумнар үтәчәк.
Көнчыгышны өйрәнүчеләр съезды Уфада икенче тапкыр үткәрелә, 2006 елда V Бөтенрусия съезды узды. Ул вакытта Русиянең Көнчыгышны өйрә­нүчеләр җәмгыяте президенты Га­ләветдин Ишмөхәммәтов иде, бүген бу вазыйфада филология фәннәре докторы, Уфа гыйльми үзәге Тарих, тел һәм әдәбият институты директоры Фирдәвес Хисаметдинова эшли.