+22 °С
Яңгыр
Гәзиткә язылуVKOKTelegram
Барлык яңалыклар
Җәмгыять
8 октябрь 2015, 20:59

Уфа – Русия философларының башкаласы

Республикада үтүче мөһим форумга меңнән артык галим җыелды.6-10 октябрьдә башкалабызда Русия философларының VII конгрессы үтә. Уфага халыкара форум форматында оештырылган конгресска Русиядән һәм чит илләрдән гыйльми җәмәгатьчелек, берләшмә, берлек һәм оешмалар вәкилләре килде. Чарада дөньяның 16 иленнән: Казахстан, Кытай, Төркия, Кыргызстан, Таҗикстан, Иран, Израиль, Үзбәкстан, Әзербайҗан, Испания, Болгария, Бельгия, Украинадан һәм Русиянең 71 төбәгеннән меңнән артык галим катнаша.

Форумны оештыручылар — Русия философлар җәмгыяте, Башкортстан Башлыгы Хакимияте, Башкорт­стан дәүләт университеты, Баш­кортстан дәүләт хезмәте һәм идарә академиясе, Русия Фәннәр академиясенең Философия институты. Кон­гресс­ның темасы – “Философия. Толерантлык. Гло­баль­­ләшү. Көнчыгыш һәм Көн­батыш – дөньяга карашлар диалогы”.

Кичә Конгресс-холлда философлар форумы пленар утырыш белән ачылды, секция утырышлары төрле мәйдан­чык­ларда үтә. Чараны Русия фи­лософлар җәмгыяте президенты, академик Вячеслав Степкин ачты һәм алып барды.

— Соңгы елларда безнең республика сәяси, икътисади форумнар белән беррәттән мөһим фәнни конгресслар һәм симпо­зиумнар үткәрү урынына әйләнде, — диде Башкортстан Башлыгы Рөстәм Хәмитов. — Кон­грессны үткәрү урыны итеп Уфаның сайлауны Баш­корт­станның философия мәктәбе эш­чәнлеге казанышларын тану дип кабул итәбез. Без Мифтахетдин Акмулла, Мө­хәм­мәт­сәлим Өметбаев, Риза Фәх­ретдин, Зәйнулла Рәсү­лев, Зыя Камали һәм башка мәгъ­ри­фәтчеләр, философлар, язучылар, галим­нәр калдырган бай мирасны югары бәялибез. Алар яшьләрне белем алырга һәм ми­һер­бан­лылыкка, шәф­кать­лелеккә һәм хезмәт сөяргә өйрәтте, халыкка белем бирү турында хәстәрлек күрде, мәктәпләр ачты.
Читайте нас: