+17 °С
Болытлы
Гәзиткә язылуVKOKTelegram
Барлык яңалыклар
Җәмгыять
10 октябрь 2015, 22:54

Берьюлы ике объект!

Илеш районы үзәгендә балалар бакчасы һәм яңартып корылган үзәк казанлык сафка кертелде.Илеш районы Республика көнен зур хезмәт казанышлары белән каршы ала. Районда, игенчелек һәм терлекчелек тармагын үстерү белән беррәттән, төзелеш эшләренә дә зур игътибар бирелә. 7 октярбьдә биредә ике зур объект сафка кертелде: Югары Яркәйдә 120 урынга исәпләнгән балалар бакчасы ишекләрен ачты, үзәк казанлык, тулысынча яңартып корылганнан соң, үз эшен башлап җибәрде. Яңа объектларны ачу уңаеннан һәм Республика көненә багышланган тантаналарда Дәүләт җыелышы-Корылтай депутатлары Рәсүл Госманов, Валерий Мансуров, республиканың капиталь төзелеш идарәсе җитәкчесе Владимир Селищев, шул ук оешмадан Хәлим Шәйбәков, Башкортстан Социаль максатлы программалар фонды директоры Әскар Ногманов, “Башнефть” компаниясенең власть органнары белән бәйләнеш бүлеге начальнигы Юлай Ильясов, “Чакмагышнефть” нефть-газ чыгару идарәсенең “Башнефть-Добыча” җәмгыяте филиалы начальнигы Фаат Хәсәнов һәм башкалар катнашты.

Иң тәүдә мәртәбәле кунаклар район үзәгенең көньяк микрорайонында урнашкан яңа балалар бакчасына килде.
— Бүген — балалар һәм ата-аналар өчен дә, бирегә эшкә урнашучылар өчен дә истәлекле көн. Беренче­дән, әлеге объектны ачу район үзәген­дә балалар бакчаларында урыннар җитмәү мәсьәләсен тулысынча хәл итте, икенчедән, 30 кешегә яңа эш урыны булдырылды. Объектны төзүгә акча бүлгән өчен Русия һәм Башкортстан Хөкүмәтенә, шушы күркәм объектны кыска вакыт эчендә сафка бастырган өчен “Су-10” компанияләр төркеменә, аның җитәкчесе Валерий Мансуровка зур рәхмәт белдерәбез, — диде тантанада чыгыш ясап, Илеш районы хакимияте башлыгы Илдар Мостафин.
Тантанада катнашучылар да котлау сүзләре әйтте, бүләкләр тапшырды. Рәсүл Госманов, мисалга, бакчага йөрүче балаларны киләсе яртыеллыкка 10 данә “Әллүки” журналына яздырса, Валерий Мансуров үзе җитәк­ләгән “Су-10” компаниясе исеменнән ике компьютер тапшырды.
Ал тасма киселгәннән соң, кунаклар бинаның эченә үтеп, биредәге за­манча җиһазландырылган бүлмә­ләрне, шулай ук балалар тарафыннан әзерләнгән музыкаль тамашаны карады.
Арытаба Республика көненә багышланган чараларда катнашучылар балалар бакчасы белән янәшә урнашкан физкультура-сәламәтләндерү комплексына юнәлде. Биредә егетләр һәм кызлар арасында уздырылган волейбол буенча ярышларны караганнан соң, яңартып корылган үзәк казанлыкка килделәр.
Казанлык 1978 елда төзелгән. 37 ел эчендә ул шактый искергән, җитеш­терүчәнлеге дә кимегән. Шунлыктан ике ел элек аны яңартып ко­ру буенча план-проект кабул ителгән. Аны га­мәл­гә ашыруга “Башнефть” җәм­гыя­те акча бүлгән. Реконструкция барышында заманча өч су җылыту казаны урнаштырылган, моннан тыш, бина­ның тышкы һәм эчке ягы тулысынча яңартылган.
Владимир Селищев, аның рес­пуб­ликадагы иң заманча казанлыкла­рының берсенә әверелүен билгеләде. Илдар Мостафин исә реконструк­ция­гә акча бүлгән “Башнефть” җәм­гыя­тенә, эшләрне югары дәрә­җәдә башкарган “Д-АРТ” җәмгыятенә рәх­мәт белдерде.
“Уют” җәмгыяте җитәкчесе Наил Гайнуллин сүзләренә караганда, казанлыкта бүген 18 кеше эшли. Алар­ның барысы да тәҗрибәле, биредә озак еллар хезмәт сала.
— Эш шартлары күзгә күренеп ях­­шырды. Эшкә ашкынып киләбез, — ди биредә ике дистә елга якын опе­­ратор булып эшләүче Фәйрүзә Галимова.
Казанлык эшчәнлеге белән танышканнан соң, чарада катнашучылар район үзәк дәваханәсенә юлланды, биредәге бүлекләрнең эшчән­ле­ге һәм шулай ук поликлиника тө­зелеше проекты белән дә танышты.
Төштән соң мәртәбәле кунаклар район мәдәният сараенда узган Республика көненә багышланган тантаналы чарада катнашып, бер төркем хезмәт алдынгыларына дипломнар һәм акчалата бүләкләр тапшырды.
Читайте нас: