+11 °С
Болытлы
Гәзиткә язылуVKOKTelegram
Барлык яңалыклар
Җәмгыять
24 октябрь 2015, 23:10

Гомумкешелек кыйммәтләреннән аерылгысыз

Русиянең мөселман мәгарифен үстерү үзәкләренең берсе булган башкалабызда халыкара фәнни-гамәли конференция үтте.22-23 октябрьдә Уфада “XXI га­сыр мәгарифендә Ислам идеал­лары һәм кыйммәтләре” дигән VIII халыкара фәнни-гамәли конфе­ренция үтте. Чараны Башкортстан Башлыгы каршындагы Дәүләт-конфессияара мөнәсәбәтләр буенча совет, М. Акмулла исемендәге БДПУ һәм Русия мөселман­на­ры­ Үзәк диния нәзарәтенең Ислам уни­верситеты оештырды. Мәртәбәле форум Русиядә Ислам мәгарифен үстерү федераль проекты кысаларында үтте. Быел халыкара конференция Мәгариф, фән һәм мәдәният мәсьәләләре буенча Ислам оешмасының (ISESCO) һәм Ислам дөньясы университетлары федерациясе (FUIW) ярдәме белән оештырылды.

Халыкара форумда Русия төбәкләреннән, Англия, Албания, Аргентина, Испания, Италия, Марокко, Сингапур, Швейцария һәм БДБ илләреннән кунаклар, фән, мәгариф һәм мәдәният эшлеклеләре, дәүләт власте органнары вәкилләре, чит илләр һәм Русия Ислам вузлары һәм мәдрәсәләре җитәкчеләре катнашты. Чарада XXI гасыр Ислам мәгарифе, дини толерантлык, заман мәгарифе процессында мәктәп, гаилә һәм диннең үзара бәйләнеше, диннең яшьләргә тәрбия бирүдәге роле мәсьәләләре каралды.
Фәнни-гамәли конференцияне М. Акмулла исемендәге БДПУ ректоры Раил Әсәдуллин ачты һәм алып барды.
— Башкортстан дәүләт педагогия университеты Русия Ислам уни­вер­ситетының вуз партнеры булып тора. Менә сигез ел инде безнең уку йорты Ислам тарихын һәм мәдәниятен тирәнтен өйрәнүче белгечләр әзерләү буенча федераль программаны гамәлгә ашыруда актив катнаша. Еллык дәүләт заданиеләре кысаларында ике вуз берлектә хокукый-норматив, укыту-методик, фәнни-гамәли өлкәдә зур эш башкарды, — диде Раил Мирвай улы.
Читайте нас: