Каз өмәсе! Шау-гөр килә һәммәсе

Туймазы районының Кәкребаш авылында ул зур бәйрәмгә әверелде.Каклаган каздан да затлырак күчтәнәч бар микән?! Ә кышкы салкыннарда йөз-бит өшегәндә иң борынгы дәва – каз мае. Туй табынының бизәге дә – пар каз. Йокының иң тәмлесе исә каз мамыгыннан ясалган мендәр-ястыкта бит. Авылларда көзге муллыкны күрсәтүче милли бәйрәмнәребезнең берсе – каз өмәләре гөрли.Туймазы районының Кәкребаш авылына да килде ул бәйрәм. Утыз каз үстергән хуҗабикә Гөлүзә Фәрухшина йорты янында иртәдән үк җанлылык сизелде. Күрше-тирәдән генә түгел, якындагы алты авылдан туганнары, дуслары өмәгә җыелды. Каз йолку исә үзешчән артистлар башкаруындагы җыр-моң белән үрелеп барды. Менә кызлар, тезелешеп, буага каз юарга юлланды. Борынгыдан килгән йола буенча, киләсе елда да казлар уңсын, дип, сукмакка канатлар сибелде.

Казларны чайкаган арада авылның “Өмет” ветераннар клубы җыр-биюдә осталыгын күрсәтте. Шунда ук корылган табын түрендә самавыр кайнап чыкты, һәркем тәм-том белән чәй эчте.

Гөлүзә Фаат кызы авылның балалар бакчасында 20 елдан артык тәрбияче ярдәмчесе булып эшли. Ике кызын кияүгә биргән хуҗабикә үзе дә чирек гасырдан артык килен хезмәте күрсәтеп яшәгән. Йорт кошларының төрлесенең холык-фигылен өйрәнеп өлгергән ул, 150шәр каз асраган чаклары булган. Берничә ел элек кенә үзләренең инкубаторын эшләткәндә аларга бәбкәләр алырга бөтен тирә-яктан килә торган булганнар. Иренең вафатыннан соң Гөлүзә ихатасында кош-корт санын бераз киметкән, шулай да быел, казларга өстәп, 40 бройлер чебеше, 25 тавык үстергән.

— Киләсе елга цесарка да асрарга ниятләп торам, бик талымсыз кош ул, — ди хуҗабикә. — Ихата тутырып кош-корт асрау өчен бөтен мөмкинлекләр дә бар. Авылыбыздагы “Өсән” хуҗалыгы җитәкчелеге пай җирләрен файдаланган өчен арпа-бодаен биреп тора.

Кичен Фәрухшиннар йортында бәйрәм дәвам итте, өмәчеләр хуҗабикә пешергән каз бәлешеннән авыз итте. Табын артында җыр-моң өзелмәде. Мондый өмәләр – күрше-күләнгә ярдәм итү белән беррәттән, яшь кызлар өчен осталык мәктәбе, борынгы йолаларга тугрылык үрнәге.

...Иртәгәсен авылда ямьле дә, күңелле дә каз өмәләре дәвам итте.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27