+26 °С
Болытлы
Гәзиткә язылуVKOKTelegram
Барлык яңалыклар
Җәмгыять
1 декабрь 2015, 21:30

Торатау халыкка кирәк!

150 кешедән торучы төркем шихан түбәсенә күтәрелде.Каршыга салкын җил иссә дә, Торатау итәгендә бу көнне халык күп җыелган иде. Алар күрше авыллардан, Салават, Ишембай, Стәрлетамак шәһәрләреннән Торатауны саклап калуга теләктәшлек белдерергә килгән. Тау битендә Уфадан килгән галимнәр, туган якны өйрәнүчеләр, депутатлар, сәясмәннәр, спортчылар, журналистлар һәм студентлар белән очрашуда алар шул хакта фикер алышты.

– Безнең максатыбыз бер – шиханнарны саклап калу. Бүген без аның кырыс, салкын шартларда да халыкны үзенә тартып тору көченә ия булуына инану һәм киләчәккә йөз тоткан конструктив чаралар планын билгеләү алдыннан тагын бер тапкыр күрешеп сөйләшү өчен җые­лыштык, — диде Дәүләт җыелышы-Корылтайның Аг­рар мәсьәләләр, экология һәм таби­гатьтән файдалану комитеты рәисе урынбасары Руфина Шаһапова. — Бүгенге сәяхәтне эчке туризм үсешенә бер өлеш буларак та кабул итәргә кирәк. Торатауга чимал буларак кына карарга ярамый. Шиханнарга турист, илсөяр күзлегеннән чыгып карарга, таулардан туган якның чын патриот­ларын тәрбияләү чарасы буларак та файдаланырга кирәк.

Урыс география җәмгыя­тенең Башкортстан бүлеге рәисе урынбасары Вячеслав Аброщенко да шул ук фикерне дәвам итте.

— Бу — Башкортстан гәүһәре, аның байлыгы. Диңгез тө­беннән җир йөзендә кешеләр барлыкка килгәнче калкып чыккан бу гүзәл табигать һәйкәлен юкка чыгарудан саклап алып калырга кирәк, — диде ул.

Чарадан соң халык белән сөй­лә­шүләр янәшәдә урнашкан Урман-Бишкадак авылы мәктәбендә дәвам итте.
Читайте нас: