+9 °С
Ачык
Гәзиткә язылуVKOKTelegram
Барлык яңалыклар
Җәмгыять
5 декабрь 2015, 23:46

Кластерлар тармакны ныгытачак

Билгеле бер территориядә оешмаларның, предприятиеләрнең бер-берсе белән тыгыз хезмәттәшлек итүе икътисади үсешкә китерә. Икътисадта мондый предприятиеләр берлеге кластер дип атала. Соңгы елларда Башкортстанда да кластерлар оештыруга зур игътибар бирелә. Шушы атнада Уфада “Нефть-химия территориаль кластеры – үсеш стратегиясе” беренче республика форумы үтте. Аның эшендә Хөкүмәт Премьер-министры урынбасары Дмитрий Шаронов, Русиянең икътисад министрлыгы каршындагы эксперт төркеме вәкиле Иван Бортник катнашты.

Рәсми өлештән соң эш секцияләрдә дәвам итте. “Башкортстанның нефть-химия территориаль кластеры – төбәк икътисадының яңа форматы”, “Стратегик чыганаклар өчен көрәш”, “Республиканың кече һәм урта бизнес предприятиеләренең хезмәттәшлек мөмкинлекләре” темалары буенча фикер алышулар аеруча җанлы үтте.

Форум кысаларында Башкортстанда нефть-газ тармагы өчен машина төзү һәм төзелеш-монтажлау кластерларын оештыру турында килешүләргә кул куелды.

Әйтергә кирәк, Башкортстан моңа кадәр дә нефть-химия сәнәгате үсеше буенча илдә алдынгы урыннарда килде. Кластерлар оештыру төбәкнең тармактагы позициясен тагын да ныгытачагына өмет зур.
Читайте нас: