-11 °С
Болытлы
Гәзиткә язылуVKOKTelegramЯRus
Барлык яңалыклар
Җәмгыять
16 гыйнвар 2016, 02:00

Язмыш тамырларыбыз яшьлеккә тоташкан

“Казан Кремле” дәүләт тарих-архитектура һәм сәнгать музей-тыюлыгы директоры Зилә Вәлиева белән әңгәмә.“Кызыл таң”да берничә дистә еллар инде “Күренекле якташларыбыз” дигән рубрика астында Башкортстанда туып-үсеп, аннан читтә яшәүче, җәмгыятьтә югары абруй яулаган, төрле тармак һәм өлкәләрдә зур казанышларга ирешкән шәхесләр турында материаллар басылып килә. Укучыларыбыз бик яраткан бу рубриканы быел да дәвам итәчәкбез. Бүгенге язма Уфа кызы, хезмәт юлын республикабызның яшьләр матбугатында башлап, шунда үткен каләмле журналист булып танылган милләттәшебез Зилә Вәлиеваның тормыш һәм хезмәт биографиясе, аның истәлекләре, уй-фикерләре белән таныштыра.

— Хөрмәтле Зилә Рәхим­җановна! “Кызыл таң” укучысы безнең гәзит битләрендә әле Сезнең белән беренче кабат очраша. Әмма Уфада туып-үскән, монда билгеле жур­налист булып өлгергән “үзебезнең” Зиләнең 20 ел дәвамында Татарстан парламенты башлыгының, аннары Премьер-министрның урынбасары, Матбугат һәм мәгълүмат, Мәдәният министрлыклары җи­тәкчесе, республиканың хатын-кызлар оешмасы лидеры булып эшләве барыбызның да күз алдында. Уфа кызының үзен әнә шундый зур эшләргә багышлавы якташларыгыз өчен мактаныч та, горурлык та. Һәр мәһабәт агач, гадәттә, ныклы, затлы тамырдан була. Без Сезнең нәсел тамырларыгыз, ата-бабаларыгыз һәм әти-әниегез, балачак ха­тирәләрегез турында да беләсебез килә.

— Беләсезме, монда төп хикмәт миндә түгел, ә без яшәгән чорда дип әйтер идем. Замана җилләре кешеләр язмышын билгели. Чордашларыбыз үзләре дә тормыш агымына тәэсир итә.
Читайте нас в