Русиядә лаеклы урындабыз

Чарада Хөкүмәт Премьер-министры Рөстәм Мәрданов, республика киңкүләм мәгълү­мат чаралары вәкилләре — барлыгы 142 кеше катнашты, Агентлыкның узган ел эшчән­легенә йомгак ясалды, тармак алдына яңа бурычлар куелды.

Агентлык җитәкчесе Борис Мелкоедов әйтүенчә, узган ел мәгълүмат чаралары өчен вакыйгаларга бай булды. Уфада үткән ШОС һәм БРИКС сам­митлары, Бөек Җиңүнең юби­лее, Әдәбият елы, урын­дагы үзидарә органнарына сайлаулар кебек мөһим вакый­галар киң яктыртылды. Рес­публи­каның киңкүләм мәгълү­мат чараларыннан телевиде­ние иң зур популярлык яуласа, икенче урында – Интернет-чыганаклар, өченчедә радио һәм гәзит-журналлар тора, диелде. БСТ каналы Русиядәге төбәк телеканаллары арасында популярлык буенча бишенче урынны били.

Утырышта “Башкортостан” телерадиокомпаниясе директоры Галим Якупов, “Республика Башкортостан” нәшрият йорты генеральный директоры Венера Хәкимова, “Башин­форм” мәгълүмат агентлыгы генеральный директоры Максим Ульчев, “Башкорто­стан” гәзите баш мөхәррире Азамат Юлдашбаев һәм башкалар чыгыш ясады.

Хөкүмәт Премьер-министры Рөстәм Мәрданов журналист­ларның саммитлар вакытында күрсәткән югары профессио­наль эшчәнлеген бәяләде. Шул ук вакытта, тармак хезмәт­кәрләрен яңа заман сулышын тоеп яшәргә чакырды.
Утырыш ахырында Борис Мелкоедов министрлыклар һәм ведомстволарның матбугат секретарьлары белән очрашты.