+11 °С
Болытлы
Гәзиткә язылуVKOKTelegram
Барлык яңалыклар
Җәмгыять
8 март 2016, 02:00

Илдә түгел, өйдә “президент” булыгыз!

Иҗтимагый-сәяси тормышта хатын-кызның чамадан тыш активлашуы файдагамы, әллә зыянгамы?Бүген — Халыкара хатын-кызлар көне. Әйтергә кирәк, хәзер яз һәм мәхәббәт бәйрәме буларак дөнья күләмендә билгеләнүче бу датаның йөз елдан артык тарихы бар һәм ХХ гасыр башында аның нигезендә әлегедәй хатын-кызга хөрмәт һәм игътибар билгесе күрсәтүдән бигрәк, гүзәл затларның ир-атлар белән тигез хокуклылыгы таләбе ята.

Мәгълүм булуынча, 1910 елда Копенгагенда үткән Эшләүче хатын-кызларның халыкара конференция­сендә тарихта киң билгеле революционерка Клара Цеткин Халыкара хатын-кызлар көнен бәйрәм итү башлангычы белән чыга. Аның төп максатын Клара Цеткин асыл затлар­ның үз хокуклары өчен көрәшүендә күрә. Өч ел үтүгә, ягъни 1913 елда Русиядә дә тәү тапкыр 8 Март бәйрәмен билгелиләр. Илебез хатын-кызлары ул чорда тәү чиратта социаль җәһәттән ир-атлар белән тигез хокуклылык таләп итә. Бу уңайдан Клара Цеткинның аерым белдерүләре бүгенге заман хатын-кыз образын да ярыйсы ук тулы ачып сала кебек. Атап әйткәндә, күренекле революционерка “куйган барлык таләпләр дә канәгать­лән­дерелми торып, хатын-кызларны гаилә бурыч­ларын үтәмәскә, аерым алганда, ирләренә ашарга пешермәскә, бала­ларны мәктәпкә йөртмәскә, тискәре­ләшергә” чакыра.

Клара Цеткин данлыклы революционерка гына түгел, хатын-кызның иң үтемле коралын дөньякүләм дәрәҗәдә эшкә куша алган көчле психолог та булган, күрәсең. Һәрхәлдә, йөз ел эчендә хатын-кыз үзенең хокукларында ир-ат белән тигезләшеп кенә калмады, күп кенә позицияләрдә өскә дә чыкты һәм җәмгыятьтә үз урынын елдан-ел ныгыта бара. Ә әлеге дата үзе исә 1975 елда ук Берләшкән Милләтләр Оешмасы тарафыннан рәсми бәйрәм статусы алды.
Читайте нас: