+19 °С
Болытлы
Гәзиткә язылуVKOKTelegram
Барлык яңалыклар
Җәмгыять
12 март 2016, 02:00

Фил җимешле туңдырма ярата

Таиланд — филләр иле. Борын-борыннан бу хайваннарга гади халык кына түгел, корольләр династиясе дә Аллаһыга табынгандай табынган. Филләрне сугышта “авыр артиллерия” буларак та кулланганнар, чәчү һәм уңыш җыю чорында үтә дә тырыш “эшче”ләрдән башка эш бармаган. Шуңа да тай халкы филләргә аерым хөрмәт белән, аларны изгеләргә тиңләп караган.

Көчле дә, шул ук вакытта бик ягымлы да, акыллы да булган хайваннар хөрмәтенә Таиландта ел саен 13 март көнне милли бәйрәм оештырыла. Бәйрәм Бангкоктан 80 чакрым ераклыкта урнашкан махсус җиһазландырылган мәйданда уздырыла. Теләгән һәр кеше бу изге бәйрәмне бушлай карый, төрле яшьтәге, төрлечә бизәлгән филләргә соклана.
Бәйрәмнең иң чагу мәле — җиләк-җимеш белән сыйлану. Бу көнне филләр өчен өем-өем җимешләр һәм яшелчәләр әзерләнгән була. Тәмле ашарга яратучы хайваннарның иң яраткан ризыгы — бозга туңдырылган ананас, кар­быз, кукуруз, алма, шәфталу, груша һәр бәйрәмдә популярлык яулый. Тамаша карарга килгән олысы-кечесе изге хайваннарның рәхәтләнеп сыйлануын күреп сөенә.
Читайте нас: