+21 °С
Болытлы
Гәзиткә язылуVKOKTelegram
Барлык яңалыклар
Җәмгыять
19 сентябрь 2016, 14:30

“Иң бәхетле көн булды!” — Башкортстанның Төбәк милли-мәдәни автономиясе советы рәисе Римма Үтәшева

Сайлау көне минем өчен иң куанычлы, иң бәхетле көн булды, чөнки икенче оныгым туды. Сабина, дип исем кушабыз. Искитмәле шатлык!Сайлаулар уңышлы узды. Халык, ниһаять, властька ышана башлады. Җитәкчеләрнең эшчәнлеген тәнкыйтьләү генә җиңел бит ул. Көрчектән чыгу, проблемаларны хәл итү юлларын уйлап кара син! Әйе, хәл ителәсе мәсьәләләр күп әле алда, алар өстендә эшләргә кирәк. Миңа илнең авыр чор кичергән чагын да татырга туры килде. Үткәннәрнең кире кайтуын бер генә дә теләмәс идем.Эш буенча республиканың Кырмыскалы, Чишмә, Чакмагыш, Бүздәк, Благовар һәм башка районнарында булырга туры килде. Халык ил Президенты Владимир Путинга да, республика Башлыгы Рөстәм Хәмитовка да ышаныч белән карый.


“Бердәм Русия” депутатларын җиңү белән котлыйм. Павел Качкаев, Зөһрә Рәхмәтуллина, Илдар Бикбаев, Алексей Изотов һәм үзебезнең партиянең башка әгъзаларының җиңүен бик көткән идек. Алар барысы да лаек, хөрмәтле кешеләр. Киләсе биш елга көчле, нәтиҗәле эшкә сәләтле команда булдырдык дип уйлыйм.
Читайте нас: