+11 °С
Яңгыр
Гәзиткә язылуVKOKTelegram
Барлык яңалыклар
Җәмгыять
24 сентябрь 2016, 02:00

Туган җирем — гөлбакча

Ишембай районының Янрус авылында Чәчәкләр бәйрәме үтте.Ишембай районының Янрус авылында күркәм чара булды. Авыл халкы мәдәният йорты алдына чәчәкләр бәйрәменә җыелды. Аны балалар бию коллективы “Чәчәкләр уяна” биюе белән ачып җибәрде. Бәйрәмне оештырырга ярдәм иткән спонсор Николай Козырев авылда быел туган өч баланы: Диләрә һәм Илфат Яппаровларның бишенче бала булып дөньяга килгән уллары Искәндәр, Зәлия һәм Фәнзил Шәмсетдиновларның кызлары Илина, Резида һәм Рамил Яздановларның кызлары Заринаны котлады һәм истәлекле бүләкләр тапшырды.

Бу көнне оештыручылар Русия киносы елын да читләп үтмә­де. Кечкенә кино геройлары бәйрәм белән котлап, чараны алып баруда ярдәм итте.

Комиссия әгъзалары һәр йортта үстерелгән чәчәкләрне фотога төшереп, алардан стенд эшләнгән иде. Бәйрәм көнне конкурска йомгак ясалды, иң-иңнәргә истәлекле бүләкләр тапшырылды.

Һәр урам бәйрәмгә ихлас әзерләнгән. Уңган хуҗабикәләр чәчәк композицияләре, бакчаларында үстергән җиләк-җи­меш, яшелчәләр һәм төрле ризыклар пешереп китергән. Һәр урам үзенә чәчәк исеме кушып, презентация ясады. Чәчәк­ләргә багышланган викторина сорауларына дөрес һәм җитез җавап бирделәр. Җыр-биюгә дә бер-берсеннән калышмадылар.

Бәйрәмдә халык күңеле бул­ганчы җырлап-биеп, соңын­нан үзләре әзерләгән сый-хөрмәт белән күмәкләп чәй эчеп таралышты.
Читайте нас: