Беренче урында – хәвефсезлек, икенче урында – керем

“ЗМ” компаниясе җитәк­чесе Сергей Дмитрук һәр җитәкченең хәвеф­сезлек мәдәниятлелеге үрнәге булырга тиешлеген сызык өстенә алды. Мондый максатка ISO 9000 һәм ISO 45000 стандартларын га­мәлгә ашырып ирешергә мөмкин.
— Кешеләрнең җавап­лы­­лыгын арттыру мөһим. Тикшеренүләр Русиядә күпчелек компа­нияләрдә бик күп идарә итү системасы, эш процессын контроль­дә тотучы органнар булуын күрсәтте. Мондый хәл-шартларда хәвеф­сезлекне тәэ­мин итү җиңел түгел, – ди-де “Haensch Business School” компаниясе җитәк­чесе Штефан Хенш. Хенш әфән­де фикерен мисаллар бе-лән ныгытты. Япониядә га­ди эшче, конвейерда хәвеф китерер­дәй хәлне күреп калса, җитештерү процессын туктату хокукына ия. Янә бер мисал. Молдовада бер компаниядә контроль бүле­ге тулысынча опти­маль­ләштерелеп, җаваплылык хезмәткәр­ләргә бүлеп би­рел­гән. Нәтиҗәдә, пред­приятиедә җитеш­терү­чән­лек арткан һәм җәрәхәт алулар күпкә кимегән.
Социаль тәэминатның халыкара ассоциациясе генеральный секретаре Ханс-Хорст Конколевски фике­ренчә, читтән экспертлар җәлеп иткәнче, пред­приятиедә хезмәт салучылар фикеренә колак салу мөһим. Чөнки цехтагы хәл-ләрне алар яхшырак белә. Мисал да китерде. Сингапурдагы көймәләр төзү һәм ремонтлау предприя­тие­сендә махсус телефон урнаштырылган. Аның аша хәвефле хәл турында Хез-мәт министрлыгына һәм Җитештерү инспекциясенә хәбәр итәргә мөмкин. Мо­ның өчен эшче, сатлык­җан­лыкта гаепләнеп, аңа адми­нистратив җәза билге­лән­ми. Киресенчә, аңа дәрт­ләндерү чаралары каралган.
Клин шәһәреннән хез­мәтне саклау һәм шартлар тудыру институты вәкиле Ирина Журавлева пред-приятиедә хәвеф­сезлекне тәэмин итүгә җитәкчелекне тулысынча җәлеп итәргә чакырды. “Нәтиҗәдә, хә­вефле хәлләрне яшереп калу түгел, кисәтү мөмкин­леге күпкә артачак”, – диде ул.
Экспертларның фикер­ләре игътибарга лаек булса да, аларны бүген безнең шартларда гамәлгә ашыру җиңел түгел. Беренчедән, административ киртәләр, бюрократик система комачаулый. Икенчедән, хәвеф­сезлек мәдәнияте югары түгел. Уңай нәтиҗәгә тәрбия эше балалар бакчасында, мәктәптә үк алып барылганда, законнарга үзгәрешләр кертелгәндә генә өмет итәргә мөмкин.