+8 °С
Облачно
Җәмгыять
8 Мая 2017, 21:00
Рөстәм Хәмитов: “9 Май — бердәмлек һәм Ватан өчен горурлык бәйрәме ул!”
5 майда “Башкортостан” концерт залында Бөек Җиңүнең 72 еллыгына багышланган тантаналы җыелыш үтте. Анда Башкортстан Башлыгы Рөстәм Хәмитов 9 Май уңаеннан котлавын җиткерде. — 9 Май — бердәмлек һәм Ватан өчен горурлык бәйрәме ул! Еллар үткән саен Җиңү көненең бәһасе һәм әһәмияте артканнан-арта гына бара, — диде аерым алганда республика җитәкчесе үзенең котлау чыгышында.Чарада катнашучылар арасыннан сугыш ветераннары Мәхмүт Булатов белән Сәгыйть Ишбирдин “Кызыл таң” гәзитенә сугыш хатирәләре һәм истәлекләре белән уртаклаштылар.Уфада яшәүче Мәхмүт Мөхәммәт улы 90 яшьлек юбилеен билгели. Ул сугышка 17 яшендә, 1943 елда алынган. Волхов фронтында укчы-автоматчы һәм пулеметчы, шулай ук, разведчик, радиобелгеч булган. 1944 елда каты яраланган. Аның сугышта күрсәткән батырлыклары лаеклы бәһаланган. Дан, Бөек Ватан сугышы орденнары, “Батырлык өчен”, “Ленинградны обороналаган өчен” һәм башка медальләр белән бүләкләнгән.
– Волхов, Ленинград, өченче Балтыйк буе фронтларындагы алышларда катнаштым, – дип хәтерли ветеран. – Латвияне, Белоруссияне, Польшаны фашист илбасарларыннан азат иттек. Минем өчен сугыш Маньчжуриядә тәмамланды.
Мәхмүт Мөхәммәт улы сугыштан соң каты яралардан дәвалана. Атлап йөри алмаса да, урта мәктәпне тәмамлый. Физкультура белән шөгыльләнеп, савыга һәм тулы канлы тормыш белән яши. Хезмәт юлын “Туймазынефть”тә электрик булып башлый. Шоферлар курсын, Уфа автомобиль-юл техникумын, читтән торып Бөтенсоюз юридик институтын тәмамлый. Арытаба ул җитәкче вазыйфалар били. Хаклы ялга чыккан көннән җәмәгать тормышында актив катнаша һәм яшь буынга патриотик тәрбия бирүгә зур өлеш кертә.
Сәгыйть Гатият улы да фронтка унсигезе тулганчы ук, 1943 елда алына. Радист һәм артиллерист булып хезмәт итә. Курск сугышында катнаша. Шулай ук, Польшаны һәм Белоруссияне фашист илбасарларыннан азат итүдә катнаша.
– Минем өчен сугыш 1943 елның июнендә Курск дугасында башланды, – дип сөйли әңгәмәдәшем. – Белоруссиядә иң элек Гомель шәһәрен азат иттек. Бобруйск юнәлешендә дошманның зур төркемен камауга алып, тар-мар иттек. Брестны да алдык. Германиядә Франкфурт шәһәренә барып җиттек. Сугышлар Көнчыгыш Пруссиядә дәвам итте. Апрель аенда Берлин операциясенә җәлеп иттеләр. Берлинны алгач, сугыш тагын бер атна дәвам итте. Безгә бирелергә теләмәгән фашистларны эзләп, юк итү бурычы куелды. Җиңү көнен зур шатлык белән каршы алдык.
Сәгыйть Гатият улы бик күп орден һәм медальләр, шул исәптән II дәрәҗә Бөек Ватан сугышы һәм III дәрәҗә Дан ордены белән бүләкләнгән. Фронттан кайткач, мәктәптә укытучы булып эшләгән.
Сугыш ветераннары батырлыклары алдында баш иеп, аларга сәламәтлек телик!
Мәхмүт Мөхәммәт улы сугыштан соң каты яралардан дәвалана. Атлап йөри алмаса да, урта мәктәпне тәмамлый. Физкультура белән шөгыльләнеп, савыга һәм тулы канлы тормыш белән яши. Хезмәт юлын “Туймазынефть”тә электрик булып башлый. Шоферлар курсын, Уфа автомобиль-юл техникумын, читтән торып Бөтенсоюз юридик институтын тәмамлый. Арытаба ул җитәкче вазыйфалар били. Хаклы ялга чыккан көннән җәмәгать тормышында актив катнаша һәм яшь буынга патриотик тәрбия бирүгә зур өлеш кертә.
Сәгыйть Гатият улы да фронтка унсигезе тулганчы ук, 1943 елда алына. Радист һәм артиллерист булып хезмәт итә. Курск сугышында катнаша. Шулай ук, Польшаны һәм Белоруссияне фашист илбасарларыннан азат итүдә катнаша.
– Минем өчен сугыш 1943 елның июнендә Курск дугасында башланды, – дип сөйли әңгәмәдәшем. – Белоруссиядә иң элек Гомель шәһәрен азат иттек. Бобруйск юнәлешендә дошманның зур төркемен камауга алып, тар-мар иттек. Брестны да алдык. Германиядә Франкфурт шәһәренә барып җиттек. Сугышлар Көнчыгыш Пруссиядә дәвам итте. Апрель аенда Берлин операциясенә җәлеп иттеләр. Берлинны алгач, сугыш тагын бер атна дәвам итте. Безгә бирелергә теләмәгән фашистларны эзләп, юк итү бурычы куелды. Җиңү көнен зур шатлык белән каршы алдык.
Сәгыйть Гатият улы бик күп орден һәм медальләр, шул исәптән II дәрәҗә Бөек Ватан сугышы һәм III дәрәҗә Дан ордены белән бүләкләнгән. Фронттан кайткач, мәктәптә укытучы булып эшләгән.
Сугыш ветераннары батырлыклары алдында баш иеп, аларга сәламәтлек телик!