+13 °С
Яңгыр
Җәмгыять
12 июнь 2017, 21:00
Күңеле тулы гөл
“Гөлсинә” исеме аны йөртүчедән актив, рухиятле, югары интеллектлы, ныклы ихтыярлы булуны таләп итә. Мәгънәсе буенча “күңеле тулы гөл” дигәнне аңлата. Гөлсинәләр иң авыр хәлдә дә тынычлык саклый белә, кирәк булса, тәвәккәл һәм кырыс була ала. Эшлекле хатын имиджы эчендә исә, гадәттә, нечкә күңел, мәхәббәткә, хыялга бай йөрәк яшеренә.
Стәрлебаш районы хакимиятенең мәгълүмат-аналитика бүлеге начальнигы Гөлсинә Мәхмүдованың да исеме җисеменә туры килә. Районда узган һәр чараның актив катнашучысы ул, һәр яңалыктан хәбәрдар, шул ук вакытта, уңган хуҗабикә, яраткан хатын һәм сөекле әни дә.
Хакимияттә 1995 елдан эшли. Иртәдән кичкә кадәр эше һәркемнең күз алдында. Документлар белән эш итә, докладлар яза. Килгән кунакларны каршы ала, объектларга озатып йөри. Хакимият сайтын алып бару да аңа йөкләтелгән.
Гөлсинә Альберт кызы Стәрлетамак шәһәрендә туган. Беренче сыйныфтан спорт белән шөгыльләнгән. Җиңел атлетика, чаңгы, өстәл теннисы, кул тубы, йөзү — менә кайда чыныккан икән холык! Спорт белән шөгыльләнү эчке дисциплина тәрбияләгән, бу сыйфат исә гомерлеккә бирелә.
Стәрлетамак станоклар төзү техникумында укый, Башкортстан дәүләт педагогия университетының Стәрлетамак филиалында технолог-икътисадчы белгечлеге буенча югары белем ала. Әмма Гөлсинә Альберт кызына төзүче булырга туры килми. Стәрлебаш егетенә кияүгә чыгып, авылга яшәргә килә.
Шәһәр кызы сыер саварга, мал-туар карарга тиз өйрәнә. Чөнки югарыда аталган эчке дисциплина бар! Тормыш иптәше белән өй төзегәннәр, кош-корт, мал үрчеткәннәр. Быел беренчегә ат сатып алырга ниятлиләр. Дистәдән артык умарталары бар, аны да гаилә белән карыйлар.
Мәхмүдовларның ике кызлары үсеп җиткән. Олысы нефть университетында югары белем алып, бүген белгечлеге буенча эшли. Кечесе әле 13 яшьтә генә, яхшы билгеләргә укый, рә-сем төшерү, самбо белән шөгыльләнә, музыка мәктәбен тәмамлаган.
Гөлсинә Альберт кызы Стәрлебашта яшьләр комитетында эшли башлый. Башлыча ул комитет каршындагы “Болгар” үсмерләр клубында укыта, 1997-2001 елларда район хакимиятенең яшьләр эшләре буенча комитеты рәисе була. Ул бүгенгәчә — хакимияттә.
— Коллективыбыз тату. Яшьләр күп. Бер команда булып эшләмәсәң, уңышка ирешеп булмый, — ди, гадәттәгечә, ачык елмаеп, Гөлсинә Мәхмүдова.
Килешәбез: уңганлык һәм кешеләр белән яхшы мөнәсәбәттә булу — һәрвакыт кирәк.
Хакимияттә 1995 елдан эшли. Иртәдән кичкә кадәр эше һәркемнең күз алдында. Документлар белән эш итә, докладлар яза. Килгән кунакларны каршы ала, объектларга озатып йөри. Хакимият сайтын алып бару да аңа йөкләтелгән.
Гөлсинә Альберт кызы Стәрлетамак шәһәрендә туган. Беренче сыйныфтан спорт белән шөгыльләнгән. Җиңел атлетика, чаңгы, өстәл теннисы, кул тубы, йөзү — менә кайда чыныккан икән холык! Спорт белән шөгыльләнү эчке дисциплина тәрбияләгән, бу сыйфат исә гомерлеккә бирелә.
Стәрлетамак станоклар төзү техникумында укый, Башкортстан дәүләт педагогия университетының Стәрлетамак филиалында технолог-икътисадчы белгечлеге буенча югары белем ала. Әмма Гөлсинә Альберт кызына төзүче булырга туры килми. Стәрлебаш егетенә кияүгә чыгып, авылга яшәргә килә.
Шәһәр кызы сыер саварга, мал-туар карарга тиз өйрәнә. Чөнки югарыда аталган эчке дисциплина бар! Тормыш иптәше белән өй төзегәннәр, кош-корт, мал үрчеткәннәр. Быел беренчегә ат сатып алырга ниятлиләр. Дистәдән артык умарталары бар, аны да гаилә белән карыйлар.
Мәхмүдовларның ике кызлары үсеп җиткән. Олысы нефть университетында югары белем алып, бүген белгечлеге буенча эшли. Кечесе әле 13 яшьтә генә, яхшы билгеләргә укый, рә-сем төшерү, самбо белән шөгыльләнә, музыка мәктәбен тәмамлаган.
Гөлсинә Альберт кызы Стәрлебашта яшьләр комитетында эшли башлый. Башлыча ул комитет каршындагы “Болгар” үсмерләр клубында укыта, 1997-2001 елларда район хакимиятенең яшьләр эшләре буенча комитеты рәисе була. Ул бүгенгәчә — хакимияттә.
— Коллективыбыз тату. Яшьләр күп. Бер команда булып эшләмәсәң, уңышка ирешеп булмый, — ди, гадәттәгечә, ачык елмаеп, Гөлсинә Мәхмүдова.
Килешәбез: уңганлык һәм кешеләр белән яхшы мөнәсәбәттә булу — һәрвакыт кирәк.
