Чисталык – сәламәтлек нигезе

Экологик мохитне популярлаштыру, Башкортстанда табигатьне саклау, өзлексез экологик агарту системасын яклау һәм үстерү максатларында Табигатьтән файдалану һәм экология министрлыгы республика территориясендә #СДЕЛАЕМ2019 Бөтендөнья чисталык көнен үткәрү турында игълан итте. Бу акциядә дөньяның 150дән артык иле катнаша.Ул 21 сентябрьдә сәгать 10:00дә үтәчәк.Акциянең төп бурычларының берсе – тирә-як мохитне пычрату проблемасына максималь игътибар җәлеп итү һәм бу проблеманы региональ операторлар белән системалы рәвештә хәл итү, калдыклар белән эш итүнең яңа тармагын формалаштыру.– Мондый акция дәүләт органнары вәкилләрен, җәмгыятьне, киңкүләм мәгълүмат чаралары вәкилләрен, бизнес-җәмәгатьчелекне республиканың яраткан табигый почмакларын чүп-чардан чистарту өчен бер командага берләштерәчәк, табигатебезнең уникальлеген һәм чисталыгын озак елларга саклап калырга мөмкинлек бирәчәк. Теләге булган һәр кеше бу акциядә актив катнаша ала, – дип сөйләде Бөтендөнья чисталык көне координаторларының берсе Ринат Фәткуллин.Проект калдыкларны аерым җыюны һәм эшкәртүне хуплый, ресурсларны контрольсез һәм максатсыз куллануны киметү принципларын алга этәрә.Акциянең максаты – әлеге чарага Башкортстанның 200 мең гражданын җәлеп итү һәм республиканың һәр торак пунктында җыештыру эшләрен оештыру.